Վարչապետի տիկին Աննա Հակոբյանը առաջարկում է կարդալ տարեկան 12-15 գիրք

Ամեն մի հայ տարվա մեջ պետք է կարդա 12-15 գիրք․ առաջարկում է վարչապետի տիկին Աննա Հակոբյանը։

Նա կրթվելու մասին նոր գրառում է արել՝ ընդգծելով, որ «գիրք չկարդացող հասարակությունից պետք է վերածվենք կարդացողի»։

«Ինչ նպատակ է հետապնդում Աննա Հակոբյանի՝ ամենօրյա ռեժիմով կրթություն քարոզելը, Հայաստանի տարբեր անկյուններում ընթերցանությամբ զբաղվելն ու օրինակ ծառայելը»։

Այս հարցը լրագրողն ուղղել է մեկնաբանին։ Վերջապես լրագրողը իրականությունն իր անուններով է կոչել։ Վերջապես։ Ճիշտ է՝ դեռ ինչ-որ գաղտնի, կոնսպիրատիվ նպատակ գտնելու մղում կա։ Բայց ամենակարեւորը տեղում չդոփելն է։ Փաստը ճշգրիտ արձանագրելն էլ է մեծ քայլ։

Այո, ես փորձում եմ ամենօրյա ռեժիմով կրթություն քարոզել, գիրք կարդալու օրինակ ծառայել։ Անկախ մղումներից եւ կոնսպիրատիվ աշխարհաքաղաքական նպատակներից, որ դեռեւս վերագրվում են ինձ, ես դա անում եմ, այն պարզ պատճառով, որ հասկացել եմ, որ մեր բոլոր, անխտիր բոլոր՝ ամենամեծ, մեծ, միջին, փոքր, ամենափոքր խնդիրների լուծման միակ ճանապարհը գիտելիքն է։

Իսկ Գիտելիքի ամենակարճ, հասանելի եւ հաճելի ճանապարհը գիրք կարդալն է։ Մենք պետք է գիրք չկարդացող հասարակությունից վերածվենք կարդացողի։

Օրինակ՝ ինչպես իսլանդացիները, ամեն մի հայ՝ (ՀՀ-ում ապրողներին մասի է խոսքը, որպեսզի հնարավոր լինի վիճակագրություն կազմել), տարվա մեջ պետք է կարդա 12-15 գիրք՝ մասնագիտական գրականությունից, մինչեւ դասական եւ ժամանակակից գրականություն, պոեզիա, դետեկիվ, ֆանտաստիկա՝ ըստ ճաշակի եւ գրական քիմքի»։

Այս թեմայով Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները «Հրապարակ». Աննա Հակոբյանը չի՞ ցանկանում կրթել Թագուհուն Ինչպես փաՌատոները վերածվեցին փաՐատոների... Ի՞նչ իմաստ ունի զբաղեցնել այդ պաշտոնը․ ԶԱՐՄԱՆՔ «Հրապարակ»․ Աննա Հակոբյանը կհանդիպի ՔՊ ֆրակցիայի հետ