Մեզ անհրաժեշտ է այնպիսի քաղաքական ուժ,որը կկարողանա առաջ տանել իրական խաղաղության օրակարգ. Լևոն Զուրաբյան

ՀԱԿ փոխնախագահ Լեւոն Զուրաբյանը գրում է․

«Այսօր մեր պետությանը պետք են ամբողջովին նոր լուծումներ։ Հայաստանում պետք է ձևավորվի Նիկոլ Փաշինյանի ռեժիմին իրական և լուրջ այլընտրանք, որը մարդկանց մոտ չի ստեղծի վախ՝ թալանի վերադարձի հնարավորության վերաբերյալ: Այսինքն, պետք է ձևավորվի այնպիսի ուժերից բաղկացած քաղաքական կոնսոլիդացիա, որը ժողովրդի մեջ նման վախեր չի թողնի:

Բացի այդ՝ հասարակությունը վախենում է նաև, որ իշխանության կարող են գալ ռևանշիստ ուժեր, որոնք երկիրը Ադրբեջանի հետ նոր պատերազմի կտանեն։ Բայց ժողովուրդը պատերազմ չի ուզում, ժողովուրդը խաղաղություն է ուզում։

Հիմա Նիկոլ Փաշինյանը աղավաղված ու այլասերված ձևով սեփականաշնորհել է խաղաղության օրակարգը և այդ կերպ փորձում է ներկայացնել իրեն որպես խաղաղության միակ երաշխավոր։ Նա նույնացրել է իրեն խաղաղության գաղափարի հետ, և հենց դրանով է հաղթում մյուսներին՝ առայժմ։

Մեզ անհրաժեշտ է մի այնպիսի քաղաքական ուժ, որը կկարողանա առաջ տանել չաղավաղված ու իրական խաղաղության օրակարգ։ Ես տեսնում եմ այդ ուժի ձևավորման անհրաժեշտությունը և վստահ եմ, որ այն հաջողվելու է։ Հաջողվելու է, որովհետև հստակ տեսնում եմ հասարակական պահանջարկ։ Ժողովուրդը սպասում է դրան:

Այժմ ամեն ինչ կախված է քաղաքական և հասարակական համապատասխան գործիչներից, ովքեր դրսևորեն բավարար ճկունություն, ռազմավարական մտածողություն և քաղաքական հեռատեսություն՝ այդ ուժը ձևավորելու համար։

Ես լավատես եմ»։

Այս թեմայով «Խլուրդը դո՛ւք եք, գաղտնիք բացեմ՝ ձեզնից ա ինֆորմացիան եկել»․ Լևոն Քոչարյանը՝ Նիկոլ Փաշինյանին Բաղդասարյանների գերդաստանը Խաչվերածը նշեց հավերժի ճամփան բռնած ՆԻՆԱ ՄԱՅՐԻԿԻ հիշատակի առաջ խոնհարմամբ Չշփոթել իշխանությունը իրավունքի հետ, օրենքը՝ կամայականության հետ, իսկ լռությունը՝ խաղաղության հետ Լևոն Բաղդասարյանի կողմից հնչեցված յուրաքանչյուր գնահատական ինձ համար առանձնահատուկ արժեք ունի. Հրանտ Սարաֆյանի շնորհակալական խոսքը Ռուսաստանի հետ բարեկամությունը՝ խոսքո՞վ, թե՞ գործով