ԿԼ. «Փյունիկը» ջախջախիչ հաղթանակ տարավ և նվաճեց որակավորման երկրորդ փուլի ուղեգիր(տեսանյութ)

Կոնֆերենցիաների լիգայի որակավորման առաջին փուլի պատասխան խաղում «Փյունիկը» Վազգեն Սարգսյանի անվան «Հանրապետական» մարզադաշտում հինգ անպատասխան գնդակ ուղարկեց Սան Մարինոն ներկայացնող «Տրե Ֆիորիի» դարպասը (5:0)։

Տանտերերի կազմում դուբլ գրանցեց Յուսուֆ Օտուբանջոն, մեկական անգամ էլ աչքի ընկան Մարիուս Նուբիսին և Ալեմաոն։ Հայաստանի ազգային հավաքականի դարպասապահ Հենրի Ավագայանն էլ հետ մղեց մրցակցի 11 մետրոնց հարվածը։ Խաղավերջում անզգուշաբար սեփական դարպասը գրավեց հյուրերի պաշտպան Նիկո Սենսոլին՝ ձևակերպելով հանդիպման վերջնական հաշիվը։

Այսպիսով, Եղիշե Մելիքյանի գլխավորած թիմը երկու խաղերի արդյունքում ընդհանուր 5։1 հաշվով առավելության հասավ «Տրե Ֆիորիի» նկատմամբ և նվաճեց որակավորման երկրորդ փուլի ուղեգիր։

Հաջորդ փուլում «Փյունիկը» կմրցի հունգարական «Դյորի» հետ։ Առաջին հանդիպումը կկայանա Երևանում՝ հուլիսի 24-ին, իսկ պատասխան հանդիպումը՝ հուլիսի 31-ին։

Հանդիպման գոլերը կարող եք դիտել ԱՅՍՏԵՂ։

Այս թեմայով Փյունիկի երիտասարդ կիսապաշտպանը պայմանագիր կկնքի ռուսական ակումբի հետ Գաբրիել Չեմբերջյանը մասնակցում է ի աջակցություն Սամվել Կարապետյանի հավաք-երթին Արեգակի վերևում հայտնաբերվել է Երկրից 10 անգամ մեծ խորհրդավոր «փյունիկ» (Ֆոտո) Հայաստանում ֆուտբոլը դեգրադացիա է ապրում. «Փյունիկը» միացավ ՀՖՖ նախագահի հրաժարականի պահանջին Եթե Ֆուտբոլի ֆեդերացիայի ղեկավարությունը մնա նույնը, պարտությունները շարունակվելու են. Արթուր Սողոմոնյան