Թրամփը «նեղացել» է Պուտինից, բայց Մոսկվայի համար դա շատ կարեւոր չէ

Ի­հար­կե, Մեր­ձա­վոր Ա­րե­ւել­քում ստեղ­ծվող ճար­տա­րա­պե­տութ­յու­նը (Տե´ս նաեւ https://iravunk.com/?p=318165&l=am) շատ բա­նով մնում է կախ­ված նրա­նից, թե վեր­ջա­պես դե­պի ուր են գնում ռուս-ա­մե­րիկ­յան հա­րա­բե­րութ­յուն­նե­րը, եւ այդ հա­մա­տեքս­տում որն է լի­նե­լու Չի­նաս­տա­նի քայ­լը: Այս պա­հին ռուս-ա­մե­րիկ­յան թե­մա­յով հիմ­նա­կա­նը, ո­րի մա­սին խոս­վում է, դա այն է, որ Թ­րամ­փը «նե­ղա­ցել» է Պու­տի­նից:

­Թե ին­չու, մեկ­նա­բա­նեց Զե­լենս­կու եր­բեմ­նի քա­րո­զիչ եւ ճիշտ պա­հին «նրա­նից թռած» Ա­րես­տո­վի­չը: Այ­սինքն, վեր­ջին խո­սակ­ցութ­յան ժա­մա­նակ Պու­տի­նը հայտ­նի հաս­ցեով է ու­ղար­կել Թ­րամ­փին, թե միայն խո­սում ես՝ ա­ռանց ո­րե­ւէ ռեալ գոր­ծո­ղութ­յան: Դեռ մի բան էլ, որ այդ­պես էլ ո­րե­ւէ ռեալ քայլ չի ա­նում Զե­լենս­կուն խա­ղա­ղութ­յուն պար­տադ­րե­լու հա­մար, փո­խա­րե­նը հար­վա­ծում է Մոսկ­վա­յի դաշ­նա­կից Թեհ­րա­նին: Դե, այդ դեպ­քում, Մոսկ­վան ին­քը Կիե­ւին խա­ղա­ղութ­յուն կպար­տադ­րի: Ու նաեւ, որ, ըստ Ա­րես­տո­վի­չի, նաեւ Չի­նաս­տանն է պատ­րաստ­վում կտրուկ ակ­տի­վա­նալ՝ Ռու­սաս­տա­նին ռազ­մա­կան օգ­նութ­յան հար­ցով: Ըստ այդմ էլ, Թ­րամ­փը նե­ղա­ցել եւ հի­մա խո­սում է Կիե­ւին ան­նա­խա­դեպ զեն­քեր տա­լու եւ Մոսկ­վա­յի հան­դեպ ան­նա­խա­դեպ պատժա­մի­ջոց­նե­րի մասին:

­Թե­րեւս, ո­րո­շա­կի տրա­մա­բա­նութ­յուն այս­տեղ կա: Թ­րամփն ի­րոք կտրուկ ան­ցավ Ուկ­րաի­նա­յին զի­նե­լու, նոր պատ­ժա­մի­ջոց­նե­րի թե­մա­յին՝ «մո­ռա­նա­լով», որ ըն­դա­մե­նը վեր­ջերս չա­փա­զանց գոհ էր Պու­տի­նից: Միայն թե այն հար­ցը կա, թե դա ո՞ւր կտա­նի:

­Նախ, որ Թ­րամ­փը Մոսկ­վա­յի «սի­րուն աչ­քե­րի» հա­մար չէր խո­սում խա­ղա­ղութ­յու­նից, հաս­կա­նա­լի է: Ու­նի բա­զում ներ­քին խնդիր­ներ, ո­րոնք միայն սրվում են, նաեւ ի­րենց հետ սրե­լով թրամփ­յան թի­մի ներ­սում հա­կա­սութ­յու­նն­երը, ին­չը միան­գա­մայն օ­գուտ է դե­մոկ­րատ­նե­րին: Դր­սում, ուկ­րաի­նա­կա­նից զատ, կա Մեր­ձա­վոր Ա­րե­ւել­քում չա­վարտ­ված պատե­րազ­մ, եւ Թ­րամ­փը հաս­կա­ցավ, որ դա մյուս պա­տե­րազմ­նե­րի պես «հա­ճե­լի զբո­սանք» չի լի­նե­լու: Վեր­ջա­պես, ան­հե­տաձ­գե­լի է դար­ձել Չի­նաս­տա­նի խնդրի լու­ծու­մը, ա­վե­լի կոնկ­րետ՝ լու­ծել փոր­ձե­լը: Չ­նա­յած ծայ­րա­հեղ քայ­լե­րին, ա­մե­րիկ­յան գերխն­դի­րը՝ ֆի­նան­սատն­տե­սա­կան կա­յու­նաց­ման հար­ցը ոչ թե չի լուծ­վում, այլ միայն վատ­թա­րա­նում է, ինչն էլ մատ­նան­շեց Մաս­կը՝ Թ­րամ­փից հե­ռա­նա­լով եւ նոր կու­սակ­ցութ­յուն ստեղ­ծե­լով: Այ­սինքն, շատ մոտ է այն կե­տը, ո­րից հե­տո Չի­նաս­տա­նին հաղ­թե­լու ո­րե­ւէ շանս չի մնա՝ միան­գա­մայն տե­սա­նե­լի եւ շո­շա­փե­լի բո­լոր հե­տե­ւանք­նե­րով հան­դերձ:

Եվ ա­հա, այս բարդ ի­րա­վի­ճա­կում, ինչ­պես բա­ցա­հայ­տում է The Wall Street Journal-ը, Պեն­տա­գո­նը դա­դա­րեց­րել էր Ուկ­րաի­նա­յի սպա­ռա­զի­նումն այն շատ պարզ պատ­ճա­ռով, որ ԱՄՆ-ն ս­պա­ռում է պա­շար­նե­րը, ին­չի մա­սին փոխ­նա­խա­րար Էլբ­րիջ Քոլ­բին գաղտ­նի նա­մակ է ու­ղար­կել Պեն­տա­գո­նի ղե­կա­վա­րին, որ՝ Ա­մե­րի­կան ֆի­զի­կա­պես չի կա­րող միա­ժա­մա­նակ հաղ­թա­հա­րել ռազ­մա­կան մաս­նակ­ցութ­յու­նը ե­րեք ճա­կատ­նե­րում՝ Ուկ­րաի­նա­յում, Մեր­ձա­վոր Ար­եւել­քում եւ Ա­սիա­յում: Այն է՝ Ուկ­րաի­նա­յի սպա­ռա­զի­նութ­յան դա­դա­րե­ցու­մը պար­տա­դիր զի­ջում է՝ մյուս ուղ­ղութ­յու­ննե­րում հասց­նե­լու հա­մար:

­Բայց ա­հա՝ Թ­րամ­փը ո­րո­շեց «նե­ղա­նալ» Պու­տի­նից: Իսկ դա, ի դեպ, Մոսկ­վա­յի հա­մար լավ ա­ռիթ է, որ կտրուկ ակ­տի­վաց­նի հար­ձա­կում­ներն Ուկ­րաի­նա­յում: Ա­վե­լին, ըստ ա­րեւմտ­յան տար­բեր աղբ­յուր­նե­րի, մոտ օ­րերս կսկսվի եւս մեկ մասշ­տա­բա­յին հար­ձա­կում, ո­րից հե­տո կա­րող են եւ ուկ­րաի­նա­կան խա­ղա­տախ­տա­կին հար­ցե­րը լուծ­վել ռազ­մա­ճա­կատ­նե­րում՝ Թ­րամ­փին պար­զա­պես «ան­հար­մար վի­ճա­կի» մեջ թող­նե­լով:

Ա­ռա­վել եւս, ե­թե Չի­նաս­տա­նը, Ա­րես­տո­վի­չի պնդում­նե­րի հա­մա­ձայն, ի­րոք ակ­տի­վա­նա, եւ այս­տեղ ո­րո­շա­կի ի­մաստ կա: Այն, որ Լավ­րովն ան­ցած շա­բաթ եր­կու ան­գամ  հան­դի­պում ու­նե­ցավ Չի­նաս­տա­նի արտ­գործ­նա­խա­րար Վան Իի հետ, թե­րեւս, խո­սում է Ա­րես­տո­վի­չի վար­կա­ծի օգ­տին: Ի­հար­կե, կա նաեւ վար­կա­ծը, որ Չի­նաս­տանն այժմ պետք է եր­կա­րաձ­գի պա­տե­րազ­մը Ուկ­րաի­նա­յում, որ­պես­զի ա­մե­րի­կա­ցի­նե­րը չանց­նեն Թայ­վան։ Դ­րա հա­մար չի­նա­ցի ըն­կեր­նե­րը կա­րող են Ռու­սաս­տա­նին խոս­տա­նալ ա­ռաջ­նա­հերթ մա­տա­կա­րա­րում­ներ, օ­րի­նակ՝ ա­նօ­դա­չու թռչող սար­քե­րի հա­մար նա­խա­տես­ված բա­ղադ­րիչ­ներ, որ­պես­զի Ռու­սաս­տա­նը ստա­նա լրա­ցու­ցիչ ու­ժեր ռազ­մա­ճա­կա­տում։ Բայց մյուս կող­մից, այդ ռե­սուր­սը սկսում է սպառ­վել: Թ­րամփն ար­դեն զբաղ­ված է Չի­նաս­տա­նի դեմ կոա­լի­ցիա ստեղ­ծե­լով, ե­թե Ի­րա­նում խնդիր­ներն ա­վե­լա­նան, Պե­կի­նը կա­րող է զրկվել նավ­թից եւ այլն: Գու­մա­րած, Ռու­սաս­տա­նում ակն­հայ­տո­րեն մե­ծա­նում է դժգո­հութ­յու­նը Չի­նաս­տա­նից` հենց նույն բա­ցատ­րութ­յամբ` Պե­կինն իր շա­հի հա­մար ձգտում է, որ ռուս­նե­րը շատ եր­կար կռվեն եւ կո­րուստ­ներ ու­նե­նան: Իսկ այդ դեպ­քում, ո՞րն է ե­րաշ­խի­քը, որ ինչ-որ պա­հի Մոսկ­վան չի գնա Վա­շինգ­տո­նի հետ պայ­մա­նա­վոր­վա­ծութ­յուն­նե­րի, ո­րը, ան­կախ Թ­րամ­փի «նե­ղա­ցած» լի­նել-չլի­նե­լուն, նրան շատ է պետք: Իսկ դրա­նից հե­տո Մոսկ­վան հան­գիստ կնստի եւ կնա­յի, թե Չի­նաս­տանն ինչ­պես է կռվում ա­մե­րի­կա­ցի­նե­րի դեմ:

­Բայց ե­թե Թ­րամ­փը, չնա­յած այս ի­րո­ղութ­յուն­նե­րին, պարզ­վի, որ «չա­փա­զանց շատ է նե­ղա­ցել» Պու­տի­նից եւ ի­րոք զենք ու մի­գու­ցե զորք (միջ­նոր­դա­վոր­ված) լցնի Ուկ­րաի­նա, այդ դեպ­քում Մոսկ­վան էլ ու­նի պա­տաս­խան քայլը` ա­սենք Ի­րա­նում մի­ջու­կա­յին մար­տագլ­խի­կով մի քա­նի «Իս­կան­դեր» տե­ղա­կա­յե­լու տես­քով:

Ա­մեն դեպ­քում, չի­նա­կան ուղ­ղութ­յամբ ԱՄՆ-ն­ այլեւս չի զսպում սրա­ցու­մը, այլ նա­խագ­ծում է այն, ինչ­պես ցույց տվեց Ճա­պո­նիա­յին եւ Ավստ­րա­լիա­յին Թ­րամ­փի ուղ­ղած պաշ­տո­նա­կան «ռազ­մա­կո­չը»: Կարճ ա­սած, ԱՄՆ-ի հա­մար ժա­մա­նակն ի­րոք սպառ­վում է եւ այդ ըն­թաց­քում դեռ պետք է փոր­ձի ձեր­բա­զատ­վել Ուկ­րաի­նա­յի եւ Մեր­ձա­վոր Ա­րե­ւել­քի խնդիր­նե­րից: Լավ տար­բե­րակ կլի­ներ, որ ռուս­ներն ա­րա­գաց­նեին եւ գրա­վեին այն տա­րածք­նե­րը, ո­րոնք Զե­լենս­կին տալ չի կա­րող: Ն­ման է, որ ա­ռա­ջի­կա մեկ-եր­կու ա­միս­նե­րը հենց այդ ուղղ­վա­ծութ­յունն էլ ու­նե­նա­լու են:

Տե´ս նաեւ https://t.me/iravunk/54605 

Այս թեմայով Ucom-ի աջակցությամբ AI տեսախցիկ է տեղադրվել բնության պահպանության համար Թրամփը վերջին րոպեին չեղարկեց հուսիթների վրա հարձակումը. The New York Times Վիրավոր իմ Հայաստան, դու դեռ ուղղելու ես քո ողնաշարը Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը