Ստի ոտքը կարճ է, հո զոռով չի. ԸՆԿԵՐ ՓԱՆՋՈՒՆԻ

Ժամանակին առիթ ունեցել ենք անդրադառնալու «Հանուն հանրապետության» կուսակցության նախագահ ԱՐՄԱՆ ԲԱԲԱՋԱՆՅԱՆԻ զրպարտչական հայտարարություններին՝ Հայոց Եկեղեցու, Ամենայն Հայոց Հայրապետի եւ եկեղեցականների հասցեին: Բայց նա անուղղելի է: Հիմա էլ նա հայտարարել է, թե Ամենայն Հայոց կաթողիկոսի հետ հանդիպման ժամանակ Վեհափառ հայրապետը մերժել է իր եւ ՔՊ-ական պատգամավոր Անդրանիկ Քոչարյանի դիմումն առ այն, որ Կ․ Պոլսի հայոց Պատրիարքի միջնորդությամբ, Նորին Սրբությունը աջակցի գերների վերադարձման հարցում: Մայր Աթոռի Տեղեկատվական համակարագի տնօրեն Տ. Եսայի քահանա Արթենյանը News.am-ի հարցմանն ի պատասխան՝ նշել է. «Բաբաջանյանը հերթական կեղծիքն է հրապարակել գերիների վերադարձման շուրջ Ամենայն Հայոց Կաթողիկոսի եւ Անդրանիկ Քոչարյանի մի հանդիպման առնչությամբ, որին ներկա է եղել նաեւ ինքը։ Իրողությանը ծանոթանալու համար բավարար է դիտել այդ հանդիպման առնչությամբ Անդրանիկ Քոչարյանի ժամանակին արված մեկնաբանությունը»: Իսկ ի՞նչ է ասել Ա. Քոչարյանը: «Կաթողիկոսի մոտ եմ գնացել գերիների հարցով, առաջարկ եմ արել, չմերժեց»,- նշել է նա: Ի գիտություն հայտնենք, որ Վեհափառ Հայրապետի միջնորդությամբ Հունգարիայի կառավարության նախաձեռնությամբ 2021թ. հինգ հայ ռազմագերիներ վերադարձան հայրենիք, որոնց դիմավորման արարողությանը Հունգարիայի կառավարության պահանջով ներկա է եղել Մայր Աթոռի ներկայացուցիչ Տ․ Նաթան արքեպիսկոպոս Հովհաննիսյանը: Այսքանից հետո՝ մեզ մնում է միայն ավելացնել՝ ստի ոտքը կարճ է, հո զոռով չի:

Վերջին օրերին ՀՅԴ-ԱԿԱՆՆԵՐԻ դեմ իրականացվող ռեպրեսիաները ոչ միայն զարմանալի, այլև զավեշտալի բնույթ են ստացել։ ԱԺ «Հայաստան» խմբակցության պատգամավոր Քրիստինե Վարդանյանը ներկայացրել է դեպքերի հաջորդականությունը. ուրբաթ օրը, ահաբեկչության կասկածանքով, մեծ շուով ձերբակալվում են յոթ անձի՝ հրապարակելով նռնակի լուսանկար։ ՔՊ-ն սկսում է խոսել ՀՅԴ-ն փակելու մասին։ Սակայն հաջորդ օրերին հինգին՝ առանց մեղադրանք առաջադրելու, ազատ են արձակվում՝ ապօրինի 72 ժամ անազատությունից հետո։ Իսկ 18-ամյա Անդրանիկին, որի մոտ եղել են բացառապես օրինական սթրայքբոլ խաղալիքներ, առաջադրվում է ահաբեկչության կազմակերպման մեղադրանք ու կալանավորվում է երկու ամսով։ Մյուս ձերբակալվածը, որի տանը գտնվել է մեկ նռնակ, նույնպես կալանավորվել է, սակայն նրան մեղսագրվում է միայն նռնակ պահելը, ոչ թե` ահաբեկչություն։ Վարդանյանը նաեւ նշում է, որ ձերբակալվածների թվում է եղել մի անձ, որին քննչականը ներկայացրել է որպես ՀՅԴ անդամ, սակայն պարզվել է, որ նա ոչ միայն կապ չունի կուսակցության հետ, այլեւ նույնիսկ չգիտեր՝ ինչ է սթրայքբոլը։ Այս ամենը, ըստ Վարդանյանի, տեղի է ունեցել հենց Փաշինյան-Ալիեւ հանդիպման օրը՝ ստեղծելով բացահայտ աբսուրդային իրավիճակ։

Ոչ պակաս աբսուրդ է այն, ինչ հայտարարել է ԱՄՆ նախագահ ԴՈՆԱԼԴ ԹՐԱՄՓԸ: ՆԱՏՕ-ի գլխավոր քարտուղար Մարկ Ռյուտեի հետ հանդիպման ժամանակ նա նշել է, որ Հայաստանի եւ Ադրբեջանի միջեւ հակամարտությունը մոտենում է ավարտին։ «Մենք եւս մեկ հարց լուծեցինք, նկատի ունեմ Հայաստանի եւ Ադրբեջանի հարցը։ Ըստ երեւույթին, դա մոտ է ավարտին։ Հաջող ավարտին»,- ընդգծել է նա: Իսկ թե որն է, ըստ Միացյալ Նահանգների, «հաջող ավարտը», փակագծեր է բացել Թուրքիայում ԱՄՆ դեսպան Թոմ Բարաքը: «Պատրաստ ենք 100 տարով վարձակալել Հայաստանի եւ Ադրբեջանի միջեւ տրանսպորտային միջանցքը», - շեշտել է նա: Ի՞նչ ասես, ախր, շատ սուվերեն ու ինքնիշխանն է Նիկոլստան դարձած Հայաստանը:

ԶԱՐՄԱՑԱԾ Է «ԻՐԱՎՈՒՆՔ»-Ը

Այս թեմայով Արման Ծառուկյանը նոկաուտի է ենթարկել Ռուֆիին ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Աշնանային սրացումներ ԱԺ-ում․ ԶԱՐՄԱՆՔ ՇՏԱՊ. ՀՀ նախագահ անճանաչելիորեն փոխվել է. ՖՈՏՈ