«Հայրս չի մահանում». Օզի Օսբորնի դուստր՝ Քելլի Օսբորն

Քելլի Օսբորնը հերքել է իր հոր՝ Օզի Օսբորնի առողջության մասին լուրերը։

40-ամյա Քելլին ուրբաթ՝ հուլիսի 11-ին, իր Instagram-ի Stories բաժնում տեսանյութ է հրապարակել՝ մանրամասնելով առցանց շրջանառվող պնդումները հոր առողջության վերաբերյալ: «Այսպիսով, կա մի տեսանյութ, որը շրջանառվում է սոցիալական ցանցերում, և դա ենթադրաբար հայրս է, բայց իրականում արհեստական բանականություն է»,-նրա խոսքերը փոխանցում է PEOPLE-ը։

Նա շարունակել է. «Եվ այն ունի հորս Դեյվիդ Աթենբորոյի ձայնի նման մի ձայն։ Այն սկսում է հետևյալ տողերով. «Ինձ բժիշկ պետք չէ, որ ասի, որ ես մահանալու եմ։ Ես գիտեմ, որ ես մահանալու եմ»։ Ի՞նչ է ձեզ հետ կատարվում, մարդի՛կ։ Ինչո՞ւ եք ձեր ժամանակը վատնում նման տեսանյութ նկարահանելու վրա»։

Այնուհետև Քելլին պարզաբանել է, թե ինչ վիճակում է իր հոր առողջությունը։

«Նա չի մահանում»,-ասել է նա։ «Այո՛, նա Պարկինսոնի հիվանդություն ունի, և այո՛, նրա շարժունակությունը բոլորովին այլ է, քան նախկինում էր, բայց նա չի մահանում։ Ի՞նչ է ձեզ պատահել»,-հավելել է Օսբորնը։