Մայր Աթոռում կհավաքվեն բոլոր քահանաները

Այսօր առավոտյան Մայր Աթոռ Սուրբ Էջմիածնում կհավաքվեն բոլոր քահանաները. մայր տաճարում հրավիրված է քահանայաց մեծ ժողով, որն ըստ էության, հունիսի 27-ին ԱԱԾ տապալած ժողովն է, որ չկայացավ Եկեղեցու վրա հարձակման ու Շիրակի թեմի առաջնորդ Միքայել արքեպիսկոպոս Աջապահյանի քրհետապնդման շուրջ ծավալված խայտառակ իրադարձության պատճառով։

Բայց այսօր Մայր Աթոռում հույս ունեն, որ Վեհարանի վրա սպասվող նոր հարձակումը չի լինի այսօր ու նախատեսված քահանաների ժողովը ողջ եկեղեցիների սպասարկող քահանաների մասնակցությամբ տեղի կունենա։

Ի դեպ տապալված ժողովի բանախոսը հենց Միքայել արքեպիսկոպոս Աջապահյանը պիտի լիներ, ում ձերբակալման շուրջ աղմկահարույց միջադեպին ու Վեհարանի վրա ԱԱԾ-ի եւ իրավապահ համակարգի զորքի կողմից խայտառակ տեսարաններով միջադեպը ստիպեց հետաձգել մեծ ժողովը։ Այսօր քահանայաց ժողովին կմասնակցեն նաեւ վարդապետներ ու որոշ եպիսկոպոսներ։

Հիշենք երեկ հայտնի դարձավ եպիսկոպոսներից մեկին եւս թիրախավորելու մասին լուրը` կառավարությունից իջած ցուցումով աշխատանքից ազատման մասին տեղեկացվել է ԵՊՀ Աստվածաբանական ֆակուլտետի դեկան Անուշավան եպիսկոպոս Ժամկոչյանը, ում օրեր առաջ Մայր Աթոռի որոշմամբ բեմ էին բարձրացրել հուլիսի 4-ին Սամվել Կարապետյանի աջակցության համար հրավիրված հանրահավաքին։ Եպիսկոպոսն առայժմ չի արձագանքել այս տեղեկատվությանը, բայց մամուլի աղբյուրները պնդում են որ աշխատանքային պայմանագրի ժամկետի լրացման հիմքով ազատման մասին հեռավար տեղեկացված եպիսկոպոսը «պատժվում է բարերարի աջակցության համար հրավիրված հավաքին մասնակցելու համար» չնայած որ փայլուն հարաբերություններ ուներ ԵՊՀ ռեկտոր սորոսական Հովհաննես Հովհաննիսյանի հետ եւ կառավարության աշխատակազմի ՔՊ-ական ղեկավար Արայիկ Հարությունյանի, ով չխնայեց անգամ երբեմնի ջերմ կապերը։

Նյութի աղբյուրը` https://lurer.com/article/663052/am

Այս թեմայով Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան Զերծ մնալ եկեղեցական կյանքի պառակտիչ միջամտություններից․ Մայր Աթոռը վերստին կոչ է ուղղում պատկան պետական մարմիններին Ալեն Սիմոնյանի պսակադրությունն անցկացրել է Վայոց ձորից քահանա Տեր Հովհաննեսը, որը միացել է հակաեկեղեցական արշավին Բռնակալ և մարդատյաց Հուդան՝ ոմն Արման Սարոյան, Սուրբ Էջմիածնին մեղադրում է բռնատիրության և սիրո պակասի մեջ. Տեր Զարեհ Ոչ համարժեք պատասխան՝ ԱԺ ամբիոնից հնչած լուտանքներին