Ռուսները ուկրաինական կողմի համար չափազանց վտանգավոր ճեղքում են իրականացնում Դոնբասի հյուսիսում

Ռուսական բանակը, վերսկսելով հարձակումը հյուսիսդոնեցկյան ճակատում, խորը ճեղքումով գրավեց Զելենայա Դոլինա բնակավայրը` լայն ճակատով առաջխաղացավ դեպի Սրեդնիե եւ Շանդրիգոլովո բնակավայրերի ուղղությամբ՝ մինչև 40 կմ² տարածքում։
«Մի քանի շաբաթ առաջ Ռուսաստանի զինված ուժերը մտան Նովոմիխայլովկա, որից հետո անմիջապես սկսեցին ճնշում գործադրել Նովի Միրի և Գլուշչենկովոյի վրա, ռուսներին հաջողվեց մտնել Գլուշչենկովո, մարտերը շարունակվում են», - գրում են նաև ուկրաինացի ռազմական վերլուծաբանները։
Հասկանալով վտանգը, ուկրաինական ուժերը փորձում են իրավիճակը փոխել մի փոքր հյուսիսում` Ռեդկոդուբի եւ Կատերինովկայի ուղղությամբ հակագրոհներով, սակայն դեռ անարդյուք։ Այդ հակահարձակումները կասեցնելով, ռուսները վերսկսեցին հարձակումը` Զելենայա Դոլինա, ապա` Սրեդնիե եւ Շանդրիգոլովո ուղղությամբ:

Այս երկու բնակավայրերը գրավելու դեպքում ռուսները սպառնում են դուրս գալ օպերատիվ տիրույթ` լայն ճակատով հարձակվելով Օսլոկի ջրամբարի հարավային թեւի ուղղությամբ: Իսկ դա ջրամբարի ողջ արեւելյան թեւում ուկրաինական ուժերին կթողնի շրջապատման մեջ, միաժամանակ առաջնագիծ դարձնելով Օսկոլ եւ Իզյում քաղաքները:

Մյուս կողմից, Սրեդնիեն եւ Շանդրիգոլովոն, որոնց վրա հարձակումն ընթանում է, գրավելով, ռուսները «կախվում» են ողջ Կենտրոնական Դոնբասի գլխին, ավելի ստույգ` Լիման-Սլավյանսկ-Կրամատորսկ հատվածի, որի կորուստն ուկրաինական կողմի համար կնշանակի ողջ Դոմբասի կորուստը: Ու հաշվի առնելով, որ ռուսները ծավալուն հարձակումեն իրականացնում մի փոքր ավելի հյուսիս` հասնելով Սեւերսկ քաղաք, որից հետո նորից հարվածը կուղղվի Լիման-Սլավյանսկ-Կրամատորսկ հատվածին, կարելի է հասկանալ, որ այս ամենը մեկ օպերացիայի շրջանակներում է` ուղղված Դոնբասը եւ Խարկովի հարավային գոտին վերահսկողության տակ վերցնելուն: Ինչքանով կհաջողվի, կերեւա հենց Սրեդնիե եւ Շանդրիգոլովո, ապա Օսկոլի ջրամբար հարվածի էֆեկտիվությունից:

Այս թեմայով Տեսախցիկը ֆիքսել է լեհ–ուկրաինական «Յագոդինի» սահմանային անցակետի խոցման պահը (Տեսանյութ) Ռուսները խոցել են Ուկրաինայի Գիտությունների ազգային ակադեմիայի շենքը (Տեսանյութ) Փնտրվում է Վայքի ՔՊ-ական թեկնածուի դեկանը համ ֆեյք դեկանի հետքերով Ուկրաինական անօդաչուները խոշոր նավթաբազա են խոցել Կրասնոդարի երկրամասում (Տեսանյութ) Ուկրաինական աղբյուրներ. ռուսները վերադարձել են մշտական հարվածների սխեմային. Կիեւում երկրորդ օրն է, որ հարձակումը շարունակվում է