«Նոայի» ֆուտբոլիստներից երկուսի աշխատավարձը հավասար է մեր թիմի ամբողջ բյուջեին. Նենադ Լալատովիչ

«Բուդուչնոստի» գլխավոր մարզիչ Նենադ Լալատովիչը «Նոայից» կրած պարտությունից հետո ամփոփել է Չեմպիոնների լիգայի որակավորման առաջին փուլի առաջին հանդիպումը։

«Շնորհավորում եմ երկու թիմերին: Կարծում եմ՝ մենք արժանի չէինք պարտության: Մրցակիցը մեկ հարված ուղղեց դարպասին և գոլ խփեց մեր սխալի պատճառով: Առաջին խաղակեսում մենք ունեինք 100 տոկոսանոց գոլային պահ: Եթե խփեինք, խաղի ընթացքը կփոխվեր, ավելի շատ տարածք կունենայինք, իսկ նրանք ստիպված կլինեին առաջ գնալ: 

«Նոայի» խաղացողները որակյալ են, նրանցից երկուսի աշխատավարձը հավասար է մեր թիմի ամբողջ բյուջեին:

Ամեն ինչ կորոշվի Պոդգորիցայում, որտեղ «Նոայի» համար շատ ավելի դժվար կլինի: Նույնիսկ 0:0-ի դեպքում տանը պետք է գոլ խփեինք:

Հաջորդ փուլ անցնելը սենսացիա կլինի՝ հաշվի առնելով «Նոայի» բյուջեն և խաղացողների աշխատավարձերը: Եթե մենք նման բյուջե ունենայինք, ամեն տարի Չեմպիոնների լիգայում կլինեինք: Կոչ եմ անում երկրպագուներին լցնել տրիբունաները և ցույց տալ, թե ինչպես են սիրում Պոդգորիցան ու Չեռնոգորիան», — Լալատովիչի խոսքն է մեջբերում Vijesti.me-ն։

Հիշեցնենք, որ պատասխան հանդիպումը կկայանա հուլիսի 15-ին, Երևանի ժամանակով 23։00-ին։

Այս թեմայով ԿԼ. «Նոայի» և օրվա մյուս հանդիպումները ԿԼ. «Նոայի» և օրվա այլ հանդիպումների ժամանակացույցը Դժվար խաղ է լինելու Հայաստանում. Ռադելիչը` «Նոայի» դեմ ԿԼ խաղի մասին ԿԼ. «Նոայի» խաղերի ժամանակացույցն ու մրցակիցները ԿԼ. «Նոան» 4-1 հաշվով հաղթեց «Օլիմպիային»(տեսանյութ)