Վահագն Չախալյանի դեմ նոր արշավ. Սաակաշվիլու վրեժը Փաշինյանի ձեռքով

Այն, որ Ազգային արժեքների պաշտպանության «Կամք» հասարակական նախաձեռնության հիմնադիր ՎԱՀԱԳՆ ՉԱԽԱԼՅԱՆԻ վերջին կալանքը քաղաքական պատվերի արդյունք է, այլեւս կասկածի տեղ չի թողնում, երբ զուգահեռ ենք տանում վրացական անցյալի ու հայկական ներկայի մռայլ իրողությունների միջեւ։ Այդ զուգահեռների խաչմերուկում կանգնած են երկու հայտնի անուն՝ վրաց քաղաքական վրեժխնդրության մարմնավորումը՝ նախկին նախագահ Միխեիլ Սաակաշվիլին, եւ նրա հայաստանյան արտապատկերումը՝ Նիկոլ Փաշինյանը, ով կարծես ջանում է գերազանցել իր նախատիպին՝ ընդդիմախոսության դեմ ճնշումների գործադրմամբ եւ իրավիճակից ավելի հաջողակ դուրս գալու մղումով:

Այսօր, երբ Վահագն Չախալյանը կրկին կալանավորված է, երբ նրա անունը կրկին շրջանառվում է իբրեւ «ահաբեկիչ» կամ «իշխանության յուրացնող», այս ամենը հիշեցնում է վրացական քաղաքականության խավար տարիները, երբ նախագահ Սաակաշվիլին փորձեց կոտրել ջավախքահայության ողնաշարը՝ կալանքներով փորձելով ճնշել Ջավախքի համառ պաշտպանին՝ Վահագն Չախալյանին։ Ու մինչ մենք կարծում էինք, թե նման բան երբեք չի կարող կրկնվել Հայաստանում՝ «ժողովրդավարության բաստիոնում», պարզվում է՝ Նիկոլ Փաշինյանի իշխանությունն այսօր առաջնորդվում է նույն ձեռագրով, ինչ Սաակաշվիլու Վրաստանը 2000-ականների վերջին։ Մեթոդները նույնն են՝ հանրային կերպարի ապօրինաբար վարկաբեկում, շինծու մեղադրանքներ, քաղաքական դրդապատճառներով ընթացող դատական պրոցեսներ, որոնց «արդարությունը» պատվիրված է վերեւից։

Վահագն Չախալյանը, որը տարիներ շարունակ պայքարել է Ջավախքի հայության իրավունքների համար՝ հաճախ մենակ մնալով քաղաքական եւ հանրային ճնշումների դաշտում, այժմ Հայաստանում հայտնվել է նույն հալածանքի մղձավանջում։ Այս անգամ, ի տարբերություն վրացական իշխանությունների, գործի գլուխ կանգնած է Հայաստանի ղեկավարությունը՝ նույն ոճով, նույն քննիչ-դատախազ դատական թատրոնով։

Միխեիլ Սաակաշվիլին, չկամենալով մոռացվել քաղաքական պատմության էջերում, Չախալյանի կալանավորման լուրն իմանալուն պես՝ ոչ միայն սոցցանցում հիշեցրեց Չախալյանի դեմ իր նախկին հալածանքները, այլեւ անցավ հերթական հարձակման՝ կեղծ հայտարարություններով ու հակառուսական շաբլոնային մեղադրանքներով։ Նա փաստացի սանձազերծում է մեկ այլ թիրախային արշավ՝ այս անգամ ՀՀ տարածքից ներս՝ Փաշինյանի կառավարական հովանու ներքո։

Նշենք, որ Չախալյանը արդեն մեկ անգամ՝ 2008-ին, դատապարտվել էր Վրաստանում 10 տարվա ազատազրկման՝ հիմնովին շինծու քաղաքական մեղադրանքով։ Նա ոչ թե «ԳՌՈւ-ի գործակալ» էր, ինչպես այսօր գրում է Սաակաշվիլին եւ նրա հայկական կոլեգաները, այլ մարդ, ով բարձրաձայնում էր Ջավախքի հայության կենսական հարցերը՝ մայրենի լեզվից մինչեւ ազգային ինքնություն, եկեղեցուց մինչեւ դպրոց։ Եվ հենց այդ ազնիվ պայքարի համար էլ նա ենթարկվեց հալածանքի։

Այս ամենը հիշեցնում է մի պարզ ճշմարտություն. Սաակաշվիլու վրեժը տեղափոխվել է Հայաստան, իսկ իրականացնում է այն նրա գաղափարական ժառանգորդը՝ Նիկոլ Փաշինյանը։ Ավելին, եթե Սաակաշվիլին իր ժամանակին ասում էր, որ երեք թշնամի ունի՝ Ռուսաստանը, Իվանիշվիլին եւ Չախալյանը ու այդ մասին հիշեցրել է օրեր առաջ իր ֆեյսբուքյան էջում, ապա Սաակաշվիլու փոխարեն՝ վրեժխնդիր է լինում Փաշինյանը: Այո՛, Վահագն Չախալյանն այսօր կրկին կանգնած է նույն խաչմերուկում, ինչ 15 տարի առաջ: Նա մեղավոր չէ, որ բարձրաձայնում է հայ լինելու, ազգային արժեքների եւ պետական ինքնության մասին։ Բայց նա մեղավոր է նրանց աչքում, ովքեր վաղուց են մոռացել այդ արժեքների իմաստը։

ՀՐԱՆՏ ՍԱՐԱՖՅԱՆ

Այս թեմայով Վազգեն եպիսկոպոս Միրզախանյանը վերջին հարցազրույցներից մեկում շնությունը (պոռնկությունն) անվանել է բնական մեղք Ըստ Չաուշեսկու ագետների` Նիկոլը մազալու մարդ ա. ԸՆԿԵՐ ՓԱՆՋՈՒՆԻ Տիգրան Ավինյանը հողի գող է. Չախոյան Երկրորդ շանս բնությունը չի սիրում. Բռնի տեղահանումից երկու տարի անց վերքերը արյունահոսում են նույն ուժգնությամբ Հայե՛ր, արդարացի ձայն բարձրացնենք՝  ի պաշտպանություն Վահագն Չախալյանի.  ՀՀ վաստակավոր արտիստ