«Ոջիլի մոլուցքը» եւ հեղափոխական արդարադատությունը

<<Ոջիլի մոլուցքը>> և հեղափոխական արդարադատությունը։

Այսօր մեծ ուշադրությամբ հետևում ենք Ազգային ժողովում ընթացող արտահերթ նիստին, որտեղ քննարկվում է գլխավոր դատախազ Աննա Վարդապետյանի միջնորդությունը՝ Արծվիկ Մինասյանին և Սեյրան Օհանյանին անձեռնմխելիությունից զրկելու վերաբերյալ։

Վարդապետյանի ելույթները և դրանց հաջորդող պատասխանները, մեղմ ասած, մտահոգիչ են։ Ուստի այս ֆոնին ակամա հիշվում է մի հին անեկդոտ՝

Անեկդոտն այսպիսին է. Գյուղատնտեսական ակադեմիայի մի ուսանող քննության է պատրաստվում միայն «ոջիլի» թեմայով։ Քննության ժամանակ, երբ նրան բաժին է ընկնում կովի մասին տոմսը, նա սկսում է պատմել, որ կովը ունի մորթի, իսկ մորթիում կա ոջիլ, և մանրամասն ներկայացնում է իր սովորած նյութը՝ անտեսելով հիմնական հարցը։

Հաջորդ հարցը վերաբերում է ոչխարին, և նա նույն տրամաբանությամբ պատասխանում է. «Ոչխարն էլ ունի մորթի, իսկ մորթիում կա ոջիլ»։ Երբ դասախոսը փորձում է նրան շփոթեցնել՝ ձկան մասին հարցով, ուսանողը պատասխանում է. «Ձուկը մորթի չունի, բայց եթե ունենար, ապա, բնականաբար, կունենար ոջիլ»։ Եվ կրկին շարունակում է սիրելի թեմայի մասին։

Այս անեկդոտային պատմությունը, ցավոք, վտանգավոր իրականություն է դառնում, երբ իրավական ոլորտում որոշ պաշտոնյաներ՝ կարևորագույն դիրքերում, առաջնորդվում են ոչ թե փաստերով, այլ նախապես պատրաստված սցենարներով։

Իրավական պետության համար խիստ վտանգավոր է, երբ դատախազի ելույթը հիշեցնում է վերոնշյալ ուսանողի մոտեցումը՝ ամեն ինչ կապելով «ոջիլի» հետ, այսինքն՝ միևնույն կանխակալ մատրիցայի։

Այդպիսի աշխատելաոճը ոչ միայն խաթարում է արդարադատության նկատմամբ հանրային վստահությունը, այլ նաև հարված է հասցնում իրավաբանի մասնագիտությանը՝ այն դարձնելով ձևական և անիմաստ։

Հ.Գ. Լրջագույն մտահոգություն ենք հայտնում, որ դատա-իրավական համակարգի այսպես կոչված «հեղափոխական» բարեփոխումների արդյունքում փաստաբանի մասնագիտությունը վտանգված է՝ դառնալով անիմաստ։

ՀՀ պահեստազորի զինծառայողների նախաձեռնություն
04.07.2025 թ.

Այս թեմայով Ավարտվել է Վաղարշապատի նախկին համայնքապետ Դիանա Գասպարյանի և նրա հետ փոխկապակցված ևս 4 անձանց վերաբերյալ նախաքննությունը Բռնությունը չունի արդարացում, մեղավոր է բռնարարը․ բլոգեր Հայկ Մկրտչյանը անդրադարձել է Մարի Պետրոսյանի սկանդալային միջադեպին Ի՞նչ նպատակով է Նիկոլն ակտիվացնում իր Հանրային խորհուրդը. arminfo Գնացեք կառույցներ ստեղծեք ու պայքարեք Նիկոլի դեմ,ոչ թե կախվեք պաշտոնաթող նախագահներից 2025-ը դժվար տարի էր, բայց մի անհանգստացեք, քանի որ հաջորդ տարին շատ ավելի վատ է լինելու. Մելոնի