ԳՅՈՒՄՐԻՈՒՄ ՆՇՎԵՑ ԹԱՏՐՈՆԻ ԵՎ ԿԻՆՈՅԻ ԼԵԳԵՆԴԱՐ ԴԵՐԱՍԱՆ, ԿԱՏԱԿԵՐԳՈՒ ՄՀԵՐ ՄԿՐՏՉՅԱՆԻ ԾՆՆԴՅԱՆ ՀՈԲԵԼՅԱՆԱԿԱՆ 95-ԱՄՅԱԿԸ

Հուլիսի 4-ը, թատրոնի և կինոյի լեգենդար դերասան, կատակերգու ՄՀԵՐ /ՖՐՈՒՆԶԻԿ /ՄԿՐՏՉՅԱՆԻ ծննդյան օրն է, հոբելյանական 95-ամյակն է լրանում։ Նրա ծննդավայր Գյումրիում նշվեց, Գյումրեցիներն ու հյուրերը հարգանքի տուրք մատուցեցին սիրված, տաղանդաշատ արտիստի պայծառ հիշատակին, մասնակցելով մի շարք մշակութային միջոցառումների։ Iravunk. com - ի Շիրակի մարզի թղթակիցը ևս ներկա է գտնվել։ Տոնական օրը սկսվեց հանդիսավոր արարողությամբ Մկրտչյանի հուշարձանի մոտ, որտեղ ծաղիկներ խոնարհեցին։ Արվեստի, մշակույթի ու համայնքային կառույցների ներկայացուցիչները Գյումրիի փոխքաղաքապետ Գագիկ Մանուկյանը, Հայաստանում ՌԴ գլխավոր հյուպատոս Իգոր Տիտովը, քաղաքապետարանի մշակույթի բաժնի ամբողջ անձնակազմը, ինչպես նաև բազմաթիվ գյումրեցիներ իրենց ներկայությամբ և հուզիչ խոսքերով մեծարեցին Մեծ արտիստին։ Այնուհետև անցկացվեցին մշակութային միջոցառումներ նվիրված Մկրտչյանի կյանքին ու արվեստին։

Ելույթ ունեցան դերասաններ, երաժիշտներ ու արվեստագետներ, ովքեր ներկայացրին նրա կյանքի դրվագները, մարմնավորած կերպարները, հումորն ու խորափորձ մտքերը։ Նրա անմահ ժառանգությունը վերստին կենդանացավ վերածվելով հպարտության ու կարոտով լի մի տոնի։ Ֆրունզիկ Մկրտչյանի անունը շարունակելու է վառ մնալ գյումրեցիների ու ողջ հայ ժողովրդի սրտում, որպես մեծության, մարդկայնության ու անսպառ տաղանդի խորհրդանիշ։ Մհեր Մկրտչյանի թանգարանում կայացավ ՖՐՈՒՆԶԻԿ ՄԿՐՏՉՅԱՆ. «ՉԳՐՎԱԾ ՀԵՏԱԴԱՐՁ ՀԱՅԱՑՔ» գրքի շնորհանդեսը, որի հեղինակը Ռոբերտ Մաթոսյանն է։ Գիրքը լույս է ընծայվել Մեծ արտիստի ծննդյան 95֊ամյակի նախօրեին չգրված մենախոսություն է, որը հեղինակը ձայնագրել է ավելի քան 41 տարի առաջ։ Ավելին, Ռոբերտ Մաթոսյանը լինելով նրա մտերիմ բարեկամներից մեկը, որպես «Ֆիլմ» թերթի խմբագիր, տարբեր առիթներով ուղեկցել ու ձայնագրել է արտիստի հանդիպումները, արտերկրի կինոփառատոններում ականատեսն է եղել նրա աննախադեպ ընդունելությանն ու հանդիսատեսի ջերմ սիրուն ու մեծարմանը։ Գիրքը մի տեսակ ուղերձ է նոր սերնդին, չգրված հետադարձ հայացք, որտեղ Ֆրունզիկ Մկրտչյանը բացում է ինքնաճանաչողության, չափի ու չափավորության, արժանապատվության գաղտնիքներն ու խորհուրդներ տալիս։ Թանգարանում կայացավ նաև «Մհեր Մկրտչյան» ոսկե, արծաթե ու բրոնզե հուշամեդալների շնորհանդեսը։Միջոցառմանը ներկա էր նաև Գյումրիի քաղաքապետարանի մշակույթի բաժնի պետ Լիլիթ Թովմասյանը, ինչպես նաև Լուսինե Զաքարյանի տուն ֊ թանգարանի տնօրեն Սուսաննա Դավթյանը։ Ֆրունզիկը կինոարվեստի այն եզակի վարպետներից է, որի դերասանական լեզուն մնում է ճանաչելի ու ազդեցիկ ժամանակից անկախ։ Թանգարանի տնօրեն ՇՈՂԻԿ ՄԵԼՔՈՆՅԱՆԸ Iravunk. com - ի Շիրակի մարզի թղթակցի հետ զրույցում հպարտությամբ նշեց. -

«Շատ այցելուներ ենք ունեցել, որ գալով թանգարան, ասում են այսպես, հենց ասում են Գյումրի, մենք հասկանում ենք Մհեր Մկրտչյան, սա է առեղծվածը Մհերի»։

Մհեր Մկրտչյանը ապրել է շատ հասարակ կյանքով ու երբեք չի ձգտել որևէ հարստության։ Այսօր Գյումրիում ամենուր հնչում էին այն ֆիլմերի հայտնի երաժշտությունները, որտեղ խաղացել է լեգենդար արտիստը։ Իսկ գյումրվա ֆայտոնում կարելի էր տեսնել մեծ արտիստին։ «Կումայրի» պատմամշակութային արգելոց թանգարանում» կայացավ Հայֆիլմի ազդագրերի ցուցահանդես նվիրված Մհեր Մկրտչյանի ծննդյան 95 ֊ամյակին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Մհեր Ավետիսյանը կա՛մ տեղյակ չէ ՀՀ-ում ինչ է կատարվում եւ հենց այնպես խոսում է, կա՛մ… Հայկ Բաբուխանյան Անի Երանյանի և Մհեր Բաղդասարյանի շքեղ տեսքը՝ մրցանակաբաշխության ժամանակ «Օրինական» թալա՞ն Ադրբեջանական նավթամթերքի ներկրման հնարավորություններ կան. Մհեր Գրիգորյան Ինչու Աբրահամ սրբազանը շտապեց խոնարհվել Նիկոլի առաջ. ԲԱՑԱՀԱՅՏՈՒՄ