Ադրբեջան այցելած Իրանի նախագահը հանդիպել է Ալիևի հետ

Իրանի նախագահ Մասուդ Փեզեշքիանն ուրբաթ օրը հանդիպել է Ադրբեջանի նախագահ Իլհամ Ալիևի հետ, հաղորդում է Mehr-ը։

Փեզեշքիանն այցելել է Ադրբեջան՝ մասնակցելու Տնտեսական համագործակցության կազմակերպության (ՏՀԿ) 17-րդ գագաթնաժողովին՝ ընդգծելով Իրանի հանձնառությունը տարածաշրջանային համագործակցության և կայունության ամրապնդմանը։

Փեզեշքիանն ուրբաթ օրը վայրէջք է կատարել օկուպացված Արցախում գտնվող Վարանդա (Ֆիզուլի) միջազգային օդանավակայանում, որտեղ նրան դիմավորել են պաշտոնական ընդունելությամբ և պատվո պահակախմբով։

Այնուհետև նա մեկնել է օկուպացված Ստեփանակերտ, որտեղ տեղի կունենա այս տարվա գագաթնաժողովը, որը նախատեսված է հունիսի 3-4-ը։

Իրանի նախագահը հրավիրվել է Ալիևի կողմից և, ինչպես սպասվում է, նա հանդես կգա հիմնական ելույթով և երկկողմ հանդիպումներ կունենա գագաթնաժողովին մասնակցող մի շարք այլ պետությունների ղեկավարների հետ։ Գագաթնաժողովին մասնակցում են ՏՀԿ-ի բոլոր անդամ պետությունների ղեկավարները, այդ թվում՝ Թուրքիայի նախագահ Ռեջեփ Թայիփ Էրդողանը, Պակիստանի վարչապետ Շեհբազ Շարիֆը և Ղրղզստանի նախագահ Սադիր Ջապարովը։

Այս բարձր մակարդակի քննարկումները «կազմակերպության կողմից Կենտրոնական Ասիայում, Հարավային Ասիայում, Կովկասում և Արևմտյան Ասիայում տնտեսական, տեխնիկական և մշակութային համագործակցությունը խորացնելու շարունակական ջանքերի մի մասն են»։ Թեհրանի Մեհրաբադ օդանավակայանում ելույթ ունենալով՝ Փեզեշքիանը նշեց տարածաշրջանի երկրների միջև հարաբերությունների խորացման կարևորությունը։

Նա հույս հայտնեց, որ իր այցը կխթանի «քաղաքական ներգրավվածությունը և կնպաստի տարածաշրջանային խաղաղությանն ու կայունությանը, ինչպես նաև կամրապնդի հարևան պետությունների միջև համագործակցությունը»։

Այս թեմայով Ադրբեջանի իշխանությունները կրակի հետ են խաղում. ԻՊՀԿ-ի ռեսուրս Բիլ Գեյթսն այդպես էլ չի կարողանում մարսել Էպշտեյնի հետ իր խնջույքները Թրամփը կրկնապատկում է Ուկրաինայում պատերազմին վերջ տալու ջանքերը. Ֆինլանդիայի նախագահը Ռուսաստանը կարող է սրել իր հիբրիդային առճակատումը Եվրոպայի հետ Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան