Ադրբեջանը այլևս պատրաստ չէ պասիվ ընդունել Ռուսաստանի պահվածքը․ Ինչ առնչություն այն ունի Հայաստանի հետ

Եկատերինբուրգում երկու ադրբեջանցիների մահվան շուրջ դիվանագիտական հակամարտությունը հանգեցրել է երկու երկրների միջև մեկ տարվա ընթացքում երկրորդ հրապարակային վեճի: Այս մասին գրում է BBC-ն։

Բաքվում չէին ցանկանա, որ Ռուսաստանը վերականգներ իր երբեմնի ազդեցությունը Վրաստանում, հատկապես առանցքային էներգետիկ և տրանսպորտային երթուղիների պատճառով։ Ադրբեջանը նաև պատրաստ չէ թույլ տալ, որ Հայաստանում իշխանության գան ռուսամետ ուժեր, որոնք դեմ են հարևանների հետ հաշտվելուն և Լեռնային Ղարաբաղի հարցում պահանջներից վերջնականապես հրաժարվելուն: Բայց Մոսկվայի հետ հարաբերություններում հրապարակային ճգնաժամը ևս մեկ հասցեատեր ունի՝ Արևմուտքը։

«Ռուսաստանից հեռու մնալն օգտակար է Ադրբեջանին՝ սեփական մեղքերը արևմուտքից թաքցնելու համար», - ասել է Հարավային Կովկասի հարցերով մասնագետ Կիրիլ Կրիվոշեևը՝ մատնացույց անելով ադրբեջանական բանտերում տասնյակ լրագրողների և ընդդիմադիրների: «Իրականում Ադրբեջանն ու Ռուսաստանը ոչ մերձավոր դաշնակիցներ են, ոչ էլ բացահայտ թշնամիներ, այլ ինչ-որ միջին բան»,- հայտնել է Քարնեգիի կենտրոնից Զաուր Շիրիևը։ «Ադրբեջանը հասկացնում է, որ այլևս պատրաստ չէ պասիվ ընդունել Ռուսաստանի պահվածքը, հատկապես, երբ վտանգված են նրա սեփական շահերը», - հավելել է փորձագետը:

Այս թեմայով Երբ տեղի կունենա Հայաստան-Իտալիա հանդիպումը Ռուսական կողմը վերահսկողություն է հաստատել ևս 3 բնակավայրի նկատմամբ Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Շոգը նահանջում է, տեղումնաբեր ցիկլոն կներթափանցի Հայաստան․ ջերմաստիճանը կնվազի Վերսկսվել է Հայաստան բնական գազի մատակարարումը «Հյուսիսային Կովկաս – Անդրկովկաս» գազատարով