«ՀԱԿԱՌԱԿՈՐԴԻՆ ՊԱՏՃԱՌԵԼ Է ԶԳԱԼԻ ՄԱՐԴԿԱՅԻՆ ՈՒ ՆՅՈՒԹԱԿԱՆ ԿՈՐՈՒՍՏՆԵՐ, ԶՈՀՎԵԼ ԱՐԻԱԲԱՐ». ՀԵՐՈՍ ԱՐՄԵՆ ՀՈՎՀԱՆՆԻՍՅԱՆ

Հունիսի 30-ը, Արցախի ՊԲ կրտսեր սերժանտ, անմահ հերոս ԱՐՄԵՆ ԼԵՎՈՆԻ ՀՈՎՀԱՆՆԻՍՅԱՆԻ ծննդյան օրն է, կդառնար 31 տարեկան։ Զինվորական պանթեոնում գտնվող նրա հուշարձանին են այցելել հարազատներ, ընկերներ, որդեկորույս ծնողներ,քահանան, ծաղիկներ խոնարհել ու խնկարկել։ Հերոսի մայրը՝ տիկին ՄԱՐԻՆԵ ՀՈՎՀԱՆՆԻՍՅԱՆԸ, խորը ցավը սրտում Iravunk. com -ի հետ զրույցում նշեց. -

«Արմենս ծնվել է 1994 թվականի հունիսի 30֊ին, Երևանում ։Հաճախել է Երևանի Գրիգոր Բաղյանի անվան թիվ 141 միջնակարգ դպրոցը։ Մշակույթի պետական քոլեջում էր սովորում, վերջին կուրսում էր, զբաղվում էր քանդակագործությամբ, կահույքի արտադրամասում էր աշխատում։ 2014 թվականի հունվարի 19֊ի լույս 20֊ի գիշերը արցախա֊ադրբեջանական հակամարտ զորքերի շփման գծի հյուսիսարևելյան /Ջրաբերդ/ և հարավարևելյան /Կորգան /ուղղություններում արձանագրվել են հակառակորդի դիվերսիոն խմբի ներթափանցման միաժամանակյա փորձեր։ Ադրբեջանցիները գիշերը հարձակվել են մեծ խմբով, որդիս նկատել է դիվերսանտներին, զգուշացրել զինակից ընկերներին ու սկսել դիմադրությունը։ Նույնիսկ ծանր վիճակում նա չի ընկրկել, շարունակել է դիմադրությունը, դա հայկական ուժերին հնարավորություն է տվել արագ կազմակերպվել , նենգ թշնամուն պատճառելով մեծ թվով կորուստներ, շպրտել իր ելման դիրքերը»։ Իր առջև դրված մարտական խնդիրը արիաբար կատարելիս հերոսաբար զոհվել է կրտսեր սերժանտ Արմեն Հովհաննիսյանը։ Հետմահու արժանացել է «Արիության համար», «Հայրենիքին մատուցած ծառայությունների համար 1֊ին աստիճանի» մեդալի։ Մեջբերենք հերոսի մայրիկի տիկին ՄԱՐԻՆԵԻ խոսքերը ուղղված հերոս որդուն.

- «Մարդը միշտ ձգտում է դեպի լույսը։ Դու ինձ քո հետևից տանող լույսն ես։ Ծնունդդ շնորհավոր, Արմեն ջան, անկարող եմ ետ տալ ժամանակը, մնաս բարով չեմ կարող ասել ու չեմ ասի։ Համբերությամբ զինված սպասում եմ, ես գիտեմ, թե որտեղ է մեզ իրար միացնող լույսը»... Մեջբերենք նաև հերոս ԱՐՄԵՆԻ խոսքերը. - «ԲՈԼՈՐ ԴԻՐՔԱՊԱՀ ՏՂԵՐՔԸ ԹԱԳԱՎՈՐ ԵՆ» ...

«ԴԻՐՔԸ ՊԱՀՈՒՄ ԵՄ ԱՅՆ ԵՐԵԽԱՆԵՐԻ ՀԱՄԱՐ, ՈՎՔԵՐ ԱՅՍ ՊԱՀԻՆ ՔՆԱԾ ԵՆ ԵՎ ԿԱՐԵՎՈՐ ՉԷ, ԹԵ ԱՅԴ ԵՐԵԽԱՆԵՐԸ ՈՐՏԵ՞Ղ ԵՆ ՔՆԱԾ ՄԱՐՏԱԿԵՐՏՈՒՄ, ԹԵ ԵՐԵՎԱՆՈՒՄ»։ ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ: ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ...

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան CNN. ԱՄՆ-ն քիչ էր մնացել, որ պատերազմ սկսեր Չինաստանի հետ ՆԱՏՕ-ն պատրաստվում է պատերազմ սկսել Ռուսաստանի հետ 2029թ.-ին. ՌԴ ԱԳՆ Եթե Ռուսաստանի և Եվրոպայի միջև պատերազմ սկսվի, ապա այն կլինի միջուկային. Լավրով ԱՄՆ–ին կհաջողվի՞ իրանում քաղաքացիական պատերազմ հրահրել