Ինչու է պաշտոնական Բաքուն պաշտպանում սերիական մարդասպաններին

Ռուսական աղբյուրները սկսում են ակնարկել, թե ինչու է Եկատերինբուրգում սերիական մարդասպանների հետ կապված գործն այդ աստիճան նյարդայնացրել Բաքվին:

Իրողությունը սա է. Ադրբեջանի իշխանությունների արձագանքը ակնհայտորեն ոչ ադեկտվատ է: Ամեն դեպքում, դժվար է նման դեպք հիշել, երբ մի երկրի քաղաքացիների (ծագումնաբանությունն այլ հարց է) ձերբակալում են զանգվածային հանցագործությունների մեղադրանքով, եւ մյուս երկիրը, արդար քննությւոն-դատավարություն պահանջելու փոխարեն, գնում է նման քաղաքական սրացումների:

Ակնհայտ է, որ այստեղ ինչ-որ բան այն չէ» եւ ռուսական որոշ աղբյուրներ հուշում են, թե բացի կոնկրետ մեղադրանքներից, ուրիշ ի՞նչ կասկածներ կան այդ խմբի հետ կապված՝ հիշեցնելով  Ռուսաստանի քաղաքացի, թալիշ հասարակական գործիչ Զահիրադդին Իբրահիմիի (2025 թվականի մարտի 26) տարօրինակ առևանգման պատմությունը:

Իբրահիմին խորհրդավոր կերպով անհետացավ նույն՝ Սվերդլովսկի մարզում, եւ քիչ անց «հայտնվեց» ադրբեջանական բանտում:

Դա Մոսկվային և ռուսական հատուկ ծառայություններին ուղղված ապտակ էր: Բնական է, որ թելերը տանում էին ադրբեջանական հատուկ ծառայություններն, զուգահեռաբար՝ այդ հատվածում գործող ազերիական հանցավոր խմբավորումներ:

Եվ ինչպիսի զուգադիպություն, բոլոր ձերբակալվածները հենց «հայրենակիցներ» են տեղական՝ Եկատերինբուրդի՝ Սվերդլովսկի կազմակերպված հանցավոր խմբից։ Եվ նրանց կալանավորելու գործը, որն ակնհայտորեն երկար ժամանակ դրված էր դարակին, եկավ օրակարգ...

Այս վարկածը, թերեւս, բացատրում է, թե Բաքվում ինչու են այս կարգի հուզվել: Եթե ձերբակալվածները սկսեն խոսել, ապա կարող է նաեւ շատ հետաքրքիր բաներ բացահայտվել Զահիրադդին Իբրահիմիի առևանգման մասին։ Իսկ այդ դեպքում Ալիևը տհաճ վիճակում կարող է հայտնվել, եթե Մոսկվան նրան սկսի մեղադրել հանցավոր սինդիկատի հետ համագործակցելու եւ ՌԴ քաղաքացուն առեւանգելու մեջ՝ բոլոր հետևանքներով հանդերձ:

Սա դեռ ընդամենը որպես վարկած, որը, սակայն, շատ նման է իրականության:

Այս թեմայով Հայտնի է մարզպետից՝ համայնքապետ ձգտման պատճառը Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց Ինչու Կիեւի քաղաքապետ Կլիչկոյի երեխաները չեն գտնվում առաջնագծում Գերմանիայի արտագործնախարարը մեկնաբանել է, թե ինչու հանդիպում խնդրեց Լավրովից «Իրավունք». Լավ գիտեն՝ Նիկոլը մարսողը չի. Ինչից են վախեցած Սարգսյանները