Դատախազությունը Միքայել Սրբազանի նկատմամբ քրգործ է հարուցել. 24News

Շիրակի թեմի առաջնորդ Միքայել արքեպիսկոպոս Աջապահյանի՝« երկրում ռազմական հեղաշրջում անելու» իբր հայտարարությունների վերաբերյալ քրեական վարույթ է նախաձեռնվել։ 24News-ին Գլխավոր դատախազությունից հայտնեցին, որ վարույթը նախաձեռնվել է 2025 թվականի հունիսի 17-ին։

«Քրեական օրենսգրքի 422-րդ հոդվածի 2-րդ մասով է հարուցվել, որը ենթադրում է իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչեր անել»,-հայտնեցին կառույցից։

24News-ը կապ հաստատեց Շիրակի թեմի առաջնորդ Միքայել արքեպիսկոպոս Աջապահյանի հետ, վերջինս նշեց, որ տեղյակ չէ, որ քրգործ է հարուցվել․

«Հիմա ի՞նչ է Ձեր ուզածը, ուզու՞մ եք, որ կալանավորեն։ Մեկնաբանություն չունեմ։ Տեղյակ չեմ, քննչական չեն հրավիրել»,- ասաց Սրբազանը։

Նշենք, որ քրեական վարույթ նախաձեռնելու իբր հիմք է հանդիսացել այն, որ Գլխավոր դատախազությունը համարել է, թե իբր Միքայել Սրբազանի տարբեր հարցազրույցներում ռազմական հեղաշրջման կոչ արտահայտած մտքեր կան։

Սույն հոդվածով նախատեսված արարքը կատարելու համար նախատեսված է ազատազրկում՝ երկուսից հինգ տարի ժամկետով։

Սկզբնաղբյուրը՝ 24news.am

Այս թեմայով ՀՀԿ ԵԿ անդամ Միքայել Ղազարյանը պարգևատրվել է Խնդրում ենք Վեհափառ Հայրապետին, որ անհողդողդ և անսասան մնա. Միքայել սրբազանի նամակը հիվանդանոցից Կճոյանի հետապնդող ստվերը. Ալիսա Գեւորգյան ԱԱԾ նախկին տնօրեն Միքայել Համբարձումյանին հրավիրել են հարցաքննության. «Ժողովուրդ» Միքայել Սրբազանին դեռ չեն վիրահատել