6 մարզիկներ ազատվեցին զինծառայությունից

Կառավարությունն իր այսօրվա՝ հունիսի 26–ի նիստում որոշեց մի շարք մարզիկների ազատել շարքային կազմի պարտադիր զինվորական ծառայությունից։

Խոսքը Քրիստիան Լյուսիեն Վիտալի, Վարազդատ Լալայանի, Կարեն Ավագյանի, Նարեկ Դալլաքյանի, Բորիս Շատվերյանի և Հայկ Մարտիրոսյանի մասին է։ Նրանք արդեն տարկետում ստացել էին մինչեւ 26 տարեկանը լրանալը։

Քրիստիան Լուսիեն Վիտալը բասկետբոլի Հայաստանի Հանրապետության հավաքականի կազմում է հանդես գալիս,Կարեն Ավագյանը ծանրամարտ մարզաձևում, Նարեկ Դալլաքյանը և  Բորիս Շատվերյանը սամբո մարզաձևում։

Տրամադրված տարկետումներից հետո նշված մարզիկները նոր նշանակալի նվաճումներ են գրանցել՝ Կարեն Ավագյանը ծանրամարտի երիտասարդների (մինչև 23 տարեկանների) Եվրոպայի 2021 թվականի առաջնության հաղթող է՝ 1-ին մրցանակակիր, Նարեկ Դալլաքյանը սամբոյի Եվրոպայի 2023 թվականի առաջնության 3-րդ մրցանակակիր և սամբոյի Եվրոպայի 2024 թվականի առաջնության 2-րդ մրցանակակիր է, իսկ Բորիս Շատվերյանը սամբոյի աշխարհի 2023 թվականի առաջնության 2-րդ մրցանակակիր և  սամբոյի Եվրոպայի 2023 թվականի առաջնության 3-րդ մրցանակակիր է:

Ինչ վերաբերում է ծանրամարտի Եվրոպայի կրկնակի և աշխարհի առաջնությունների հաղթող Վարազդատ Լալայանին, ապա նա նախապատրաստվում է 2025 թվականի աշխարհի առաջնությանը:

Իսկ Հայկ Մարտիրոսյանը շախմատի Հայաստանի հավաքականի անդամ է: 2017 թվականին նրան շնորհվել է շախմատի միջազգային գրոսմայստերի կոչում:

Այս թեմայով «Փաստ». Ինչո՞ւ աշխատանքից ազատվեցին արդարադատության նախարարի բոլոր տեղակալները Հայ և թուրք ըմբիշների ծեծկռտուքը Աշխարհի առաջնության ժամանակ(տեսանյութ) Փարիզ-2024. Այսօր մրցապայքարում կլինի 4 հայ մարզիկ. Ժամանակացույց Երկու անձ ձերբակալվել է ժամկետային զինծառայությունից ազատելու նպատակով կաշառք վերցնելու համար ԱԱԾ-Ն ԲԱՑԱՀԱՅՏԵԼ Է ԿԵՂԾ ԲԺՇԿԱԿԱՆ ՓԱՍՏԱԹՂԹԵՐՈՎ ԶԻՆԾԱՌԱՅՈՒԹՅՈՒՆԻՑ ՏԱՐԿԵՏՈՒՄ ՍՏԱՆԱԼՈՒ ԴԵՊՔԵՐ