Գերմանիայի դաշնային բյուջեի ընդհանուր դեֆիցիտը առաջիկա տարիներին կարող է հասնել 144 միլիարդ եվրոյի՝ ըստ երկրի ֆինանսների նախարարության հաշվարկների

Գերմանիայի դաշնային բյուջեի ընդհանուր դեֆիցիտը առաջիկա տարիներին կարող է հասնել 144 միլիարդ եվրոյի՝ ըստ երկրի ֆինանսների նախարարության հաշվարկների։

Այս գնահատականը հիմնված է 2027, 2028 և 2029 թվականներին ծախսերի անհրաժեշտ ծավալների վրա՝ համապատասխանաբար 22, 56 և 66 միլիարդ եվրո, որոնց համար պահանջվում են լրացուցիչ ֆինանսական աղբյուրներ։

Նշված տվյալները հրապարակվել են Բեռլինի՝ մարտ ամսին չեղարկած, այսպես կոչված, «պարտքային արգելակի» ֆոնին, որը պետական պարտքի սահմանափակման կանոն է հռչակվել։ Այս որոշման օգտին քվեարկել է Գերմանիայի Բունդեսթագը՝ պաշտպանության ոլորտի ծախսերի մեծացման նպատակով։ Դեռևս չհաստատված կանցլեր Ֆրիդրիխ Մերցը այս քայլը բնութագրել էր որպես «առաջին մեծ քայլը դեպի եվրոպական պաշտպանության համայնքի ստեղծում»։

Միևնույն ժամանակ, ոչ ռազմական ծախսերի համար «արգելակը» շարունակում է գործել։ Սակայն իրավիճակը բարդանում է նրանով, որ 2028 թվականից սկսած իշխանությունները ստիպված են լինելու սկսել կորոնավիրուսային համավարակի ժամանակաշրջանի պարտքերի վերադարձը։ Այդ ժամանակահատվածում պարտքային սահմանափակման կանոնը ժամանակավորապես դադարեցված էր։

Այս թեմայով «Ժողովուրդ». Փաշինյանը մեկնելու է Գերմանիա Թուրքիան ու Գերմանիան կքննարկեն Հորմուզի նեղուցի շուրջ ստեղծված վիճակը Քաղաքապետարանը վերածել նուդիստական վայր․ ավագանու անդամի սկանդալային առաջարկը Գերմանիան կրկնակի կրճատել է ՀՆԱ-ի աճի կանխատեսումը՝ Իրանի հետ պատերազմի պատճառով Ինչպես են նշում մարտի 8-ը տարբեր երկրներում