Ինչ է տեղի ունեցել իրականում 12 օրյա պատերազմի ընթացքում Իրանում.Բացառիկ մանրամասներ

Կարելի է ասել, որ պատերազմական իրավիճակն այլեւս պատմություն է, ի վերջո ի՞նչ դասեր քաղեց Իրանը մի քանի օր տեւած պատերազմական գործողություններից հարցին եւ ոչ միայն «Իրավունքի» հետ զրույցում պատասխանում է Թեհրանի հայկական «Արաքս» թերթի գլխավոր խմբագիր Մովսես Քեշիշյանը.

- Որքան էլ որ հրադադար է հաստատվել, բայց պատերազմի վտանգը դեռ մնում է: Իրանի համար ամենակարևոր դասն այն է, որ եթե խաղաղություն ես ուզում պատրաստ եղիր պատերազմի:

Ու նաև, որ պետք է տեղեկատվական-հետախուզական, պաշտպանական և անվտանգային առումով միշտ զգոն լինել:

Ես կասեի թերևս արժի քննարկել միջուկային դոկտրինի ստրատեգիան, աշխատել իշխանություն-հասարակություն մերձեցման ուղղությամբ, էթնիկ խմբավորումների նկատմամբ ավելի ուշադրությամբ վերաբերվել, և հատկապես պանթյուրքիստական շրջանակների միջոցով Իսրայելի կողմից Իրանի պետականությանն ուղղված ոչ այնքան թաքուն ծրագրերին, որոնք ղեկավարվում են այսպես կոչված «եղբայրական» Բաքվի կողմից, լուրջ և ուշադիր մոտեցում ցուցաբերել:

Հավելեմ, որ ԱԹՍ-ների որոշ մասը, ըստ իրանգի ռազմական փորձագետների Ադրբեջանից են ներխուժել Իրան:

- Մի գիշերվա մեջ փաստորեն գլխատվեց Իրանի ԶՈւ-ն, սպանվեցին գիտնականներ, սա ո՞ւմ բացթողումն էր։

- Պետք է նշեմ, որ Իրանի գիտնականների և ուժային կառույցների ղեկավար դեմքերի սպանությունները այդ շարքից առաջինը չէր, որ տեղի ունեցավ: Համասի ղեկավար Էսմայիլ Հանիեի պարագան նույնպես խոսում է օտարերկրյա գործակալների Իրանի պետական համակարգում ներթափանցման մասին: Հիշեցնեմ, որ լրտեսության մեղադրանքով ձերբակալվածների մեծ մասը Իրանի քաղաքացիներ չեն:

12-օրյա պատերազմի օրերի ընթացքում ըստ պաշտոնական տվյալների մոտ 700 մարդ է ձերբակալվել օտարերկրյա գործակալի մեղադրանքով, որոնցից առգրավվել է ավելի քան 10000 ԱԹՍ-ներ և դրոններ (կվադկոպտերներ):

- Որքա՞ն ժամանակ կպահանջվի Իրանից վերականգնել պատերազմի հետեւանքները։

- Կորուստի կարևոր բաժինը մարդկային ռեսուրսին է կապվում որի վերականգնումը երկար ժամանակ է պահանջելու: Իսկ այն մասը, որ նյութական է վերականգնելու համար մի քանի տարի կպահանջվի:

- Հայ համայնքից պատերազմական օրերին Իրանը լքողներ եղե՞լ են։

- Ինչպես գիտեք, Իրան-Իսրայել փոխադարձ հրաձգությունները տևել է ընդամենը 12 օր և այդ կարճ ժամանակահատվածում, ոչ միայն հայեր այլ նաև ուրիշներ մեկնել են Հայաստան և այլ ապահով երկրներ, որոնց թիվն, իհարկե, սահմանափակ է եղել: Իսկ Թեհրանի քաղաքացիները հիմնականում մեկնել են երկրի ապահով քաղաքներ և ավաններ:

Այս թեմայով Պուտինն ընդունել Իրանի գլխավոր «հարց լուծողներից» մեկին` գեներալ Ռեզաեիին Ucom-ը՝ Միկրոէլեկտրոնիկայի միջազգային 21-րդ օլիմպիադայի գլխավոր հովանավոր Որ ուժերն են մասնակցում Կարապետյանի տան հավաքին Զելենսկին ոչ պաշտոնական խոշտանգումների համակարգի գլխավոր կազմակերպիչն է Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի