Պատրաստվում ենք առաջիկա ընտրություններին. ԴՕԿ կուսակցության նախագահ Անուշ Խուդավերդյան

ԴՕԿ կուսակցությունը, վարչակազմը և ես՝ որպես կուսակցության նախագահ, տեղում ենք, աշխատում ենք առավել քան լուրջ և հետևողական՝ պատրաստվելով առաջիկա ընտրություններին։ Մենք ուշադրությամբ հետևում ենք քաղաքական զարգացումներին և ներկայիս փուլում գիտակցաբար պահպանում ենք տեղեկատվական լռություն, քանի որ տվյալ պահին այդ մոտեցումն է առավել նպատակահարմար։

Մեր կուսակցությունը մշտապես գործել է բաց և թափանցիկ կերպով։ Եղել ենք անկոտրում, մեր արժեքներին և սկզբունքներին հավատարիմ։ Այս պահին մեր լռությունը պատահական չէ։ Շատ շուտով հանդես կգանք և կներկայացնենք մեր ամբողջական ծրագրերը՝ բաց ու հրապարակային ձևով, ինչպես միշտ ենք արել։

Ինչ վերաբերում է Վարդան Ղուկասյանին՝ նրա հետ գտնվում ենք անընդհատ կապի մեջ, և կուսակցության ընթացիկ քայլերն իրականացվում են բացառապես նրա ցուցումներով։

Հարգանքներով՝

ԴՕԿ կուսակցության նախագահ

Անուշ Խուդավերդյան»