Այս պատերազմը չի ավարտվի «սիոնիստական ​​ռեժիմով», ամբողջ տարածաշրջանը վտանգի տակ է.Իրանցի միջազգայնագետը բացահայտում է պատերազմի ելքը

Թեհրանում իրավիճակը շատ հանգիստ է, մարդիկ ապրում են իրենց կյանքով, ամեն ինչ ընթանում է իր հունով. խանութներ, ռեստորաններ, պետական ​​​​մարմիններ՝ ամեն ինչ աշխատում է իր հունով, մարդիկ երեկոյան դուրս են գալիս փողոցներ, աջակցում կառավարությանը և զինված ուժերին,- անդրադառնալով Իրան-Իսրայել հակամարտության հնարավոր հանգուցալուծմանը, ասաց իրանցի միջազգայնագետ ԽԱՅԱԼ ՄՈՒԱԶԶԻՆԸ.

-Իրանը կարող է շուտով հայտարարել, որ ունի միջուկային զենք։ Ինչ վերաբերում է ռազմական իրավիճակին, ապա ՀՕՊ-ը, բանակը, հատուկ ծառայությունները, բոլորը աշխատում են պրոֆեսիոնալ մակարդակով։ Մենք տեսնում ենք, որ Իսրայելի ներքին ճգնաժամը օրեցօր աճում է, և Նեթանյահուի ապագա կարիերան գտնվում է աղետալի մակարդակի վրա։ Նա չկարողացավ շարունակել պատերազմը Համասի հետ, չկարողացավ ազատել իր պատանդներին, և իր քաղաքական կարիերան փրկելու համար նա պետք է շեղի ժողովրդի ուշադրությունը։ Ահա թե ինչու նա այս խելահեղ քայլը կատարեց։ Իհարկե, դա նրա համար աղետի կվերածվի։ Մենք հիմա տեսնում ենք Թել Ավիվի վիճակը, մարդիկ փախչում են, նույնիսկ նրանց պաշտոնական լրատվամիջոցները գրում են, որ հրաման է տրվել թույլ չտալ իսրայելցիներին դուրս գալ երկրից, նրանք վախենում են, որ իսրայելցիների մեծ մասը կհեռանա տարածաշրջանից։

Իրանցի միջազգայնագետի պնդմամբ.

-Իրանի ժողովուրդը պատերազմող ժողովուրդ է, քանի որ մենք յոթ տարուց ավելի պայքարել ենք Սադամ Հուսեյնի ռեժիմի դեմ։ Այն, ինչ հիմա տեղի է ունենում, անհամեմատելի է այն ժամանակ տեղի ունեցածի հետ, քանի որ Իրանն այժմ ունի շատ հզոր ռազմական տեխնիկա, Իրանն այժմ շատ ուժեղ պետություն է։ Իրանի ժողովուրդը ուրախ է, աջակցում է այս գործողությանը և ցանկանում է, որ այն շարունակվի մինչև վերջ: Իսլամական հեղափոխության պահապանների կորպուսն այսօր պաշտոնապես հայտարարեց, որ մենք կշարունակենք այս գործողությունը մինչև վերջ, մինչև «սիոնիստական ​​ռեժիմը» ​​անհետանա: Մեր պատերազմը հրեա ժողովրդի դեմ չէ, մեր պատերազմը սիոնիզմի դեմ է: Եթե ​​այսպես շարունակվի, կարծում եմ, որ 2-3 շաբաթից «սիոնիստական ​​ռեժիմը» ​​կհանձնվի։ Այն երկար չի կարողանա դիմանալ։ Այն փաստը, որ Ֆրանսիան, Մեծ Բրիտանիան և Թրամփը պաշտոնապես հայտարարում են, որ դեմ են Իրանի միջուկային օբյեկտների ռմբակոծմանը, նրանց երեսպաշտական ​​քաղաքականությունն է։

Նրանք հանցակիցներ են, նրանք ամեն ինչի շուրջ համաձայնության են եկել կուլիսներում։ Նրանք նպատակ ունեն ստեղծել համատեղ դաշինք և հարձակվել Իրանի վրա, բայց այս խելագար քայլը նրանց թանկ կնստի, և այս պատերազմը չի ավարտվի «սիոնիստական ​​ռեժիմով», ամբողջ տարածաշրջանը վտանգի տակ է։

Այս թեմայով Պետդեպարտամենտը 10 միլիոն դոլարի նոր պարգև է խոստացել իրանցի պաշտոնյաների գտնվելու վայրի մասին տեղեկության համար Պեզեշկիանն ու Ղալիբաֆը քաջություն և ազնվություն չունեն՝ ներողություն խնդրելու ժողովրդից. Իրանցի պատգամավոր Թրամփը մտադիր է միջուկային հարված հասցնել Քոլանգ լեռան միջուկային օբյեկտին. Իրանցի փորձագետ Բաքուն կարող է 3-4 ժամում ջնջվել երկրի երեսից, և սա չափազանցություն չէ. իրանցի պատգամավոր Հայաստանի ներկայիս ղեկավարությունը պետք է հասկանա, որ ամերիկյան գերիշխանությունը աստիճանաբար ավարտվում է