Ռուսական գործոնը` Սպերցյանի «Այաքս» տեղափոխության գլխավոր խոչընդոտ

Հայաստանի հավաքականի և ռուսական «Կրասնոդարի» կիսապաշտպան Էդուարդ Սպերցյանի անունը շարունակում է շրջանառվել, որպես Ամստերդամի «Այաքսի» կարճ ցուցակում ընդգրկված ֆուտբոլիստի։

«Pantelic Podcast»-ի հաղորդավար և «Այաքսի» երկրպագու Յան Վերդոնկը X հարթակում հայտնել է․

«Չնայած նրան, որ «Այաքսում» Սպերցյանին համարում են բարձրակարգ ֆուտբոլիստ, Սպերցյանը չի միանա թիմին։ Կան այլընտրանքներ, որոնք կապ չունեն ռուսական ֆուտբոլի հետ։ Ինչ-որ առումով ափսոս է, քանի որ Սպերցյանն ունի լավ տարիք և հիանալի ստեղծագործական ունակություններ։ Բայց այլ տարբերակներն էլ, ըստ երևույթին, լավն են»։

ESPN-ը նույնպես հաստատել էր, որ Սպերցյանն այս ամռանն ընդգրկված է «Այաքսի» հիմնական տրանսֆերային թեկնածուների թվում։ Ավելին, հաղորդվում էր, որ ֆուտբոլիստը դեռ երկու տարի առաջ էլ եղել է ակումբի ուշադրության կենտրոնում, սակայն այդ ժամանակ նրա տրանսֆերը տապալվել էր վերահսկիչ խորհրդի որոշմամբ։ Խորհուրդը գտել էր, որ «Այաքսը» բարոյական տեսանկյունից չպետք է համագործակցի ռուսական ակումբների՝ այս դեպքում «Կրասնոդարի» հետ՝ Ուկրաինայի դեմ ռուսական ներխուժման ֆոնին։

Այս թեմայով «Ալ Ահլի» նոր մարզիչը լավ գիտի Սպերցյանին, ամեն ինչ լավ կստացվի. Մուսաև Նորեկ, որը դառնում է թիմի հենասյունը. Արաբական մամուլը հիացած է Սպերցյանի խաղով Սպերցյանը հերթական գոլն է գրանցել իր հաշվին (տեսանյութ) Բավորությամբ և պրոֆեսիոնալիզմով Սպերցյանը շատ նման է Հենրիխ Մխիթարյանին. Մելիքյան Սպերցյանն ավելի մեծ օգուտ է բերում Ալ-Ահլիին, քան Ռոնալդուն՝ Ալ-Նասրին․ Օլասա