«ԱՄՆ-ն պատերազմի մեջ է մտնում Իրանի դեմ». New York Times

«New York Times»-ն առաջին էջին՝ ԱՄՆ-ի կողմից Իրանի միջուկային օբյեկտներին, այդ թվում՝ Ֆորդոյին, ուղղված ավիահարվածներից հետո գրում է. «ԱՄՆ-ն պատերազմի մեջ է մտնում Իրանի դեմ»

Հայտնի է, որ ԱՄՆ ռազմաօդային ուժերը տեղական ժամանակով մոտավորապես ժամը 2:30-ին հարձակվել են Ֆորդոյի և Նաթանզի օբյեկտների վրա: Թրամփը հարձակումն անվանել է «պատմական պահ» և պահանջել, որ Իրանը «համաձայնվի դադարեցնել այս պատերազմը»:

Միջուկային օբյեկտներին հարվածելու համար օգտագործվել են B-2 ռազմավարական ռմբակոծիչներ:

Հաղորդվում է, որ Թրամփը և Իսրայելի վարչապետ Բենիամին Նեթանյահուն հեռախոսազրույց են ունեցել հարձակումից մի քանի ժամ առաջ:

Միևնույն ժամանակ, իրանական լրատվամիջոցներում գրում են.

«Երեք միջուկային օբյեկտները, այդ թվում՝ Ֆորդոն, տարհանվել են որոշ ժամանակ առաջ, և մեր հարստացված ուրանի պաշարները հեռացվել են այդ վայրերից, ճառագայթման արտահոսքի վտանգ չկա»:

Իրանի Իսլամական հեղափոխության պահապանների կորպուսը հայտարարում է. «Պատերազմը սկսվել է»:

Այս թեմայով Ադրբեջանի ու ՀՀ-ի կիբեռանվտանգության մեջ «սարեր-ձորեր» կան. տվյալների բազան հարձակման թիրախ կդառնա Օդաչուների խցիկից ճիչեր են լսվել, երբ դուռը բացել են, ներսում ամեն ինչ արյան մեջ է եղել. մանրամասներ՝ Flydubai-ի միջադեպից Երբ կսկսվի Իրանի և Միացյալ Նահանգների միջև պատերազմի նոր փուլը «Իրավունք». Փնտրվում է Վայքի ՔՊ-ական թեկնածուի դեկանը «Ժողովուրդ». ԱՄՆ–ում ի՞նչ են սովորեցնելու ՀՀ ԱԺ 5 պատգամավորներին, այդ թվում՝ ընդդիմադիր