ՇՏԱՊ. Կույրերի միությունում բունտ է հասունանում. ՖՈՏՈՌԵՊՈՐՏԱԺ

ՀԱՅՏԱՐԱՐՈՒԹՅՈՒՆ – ԲՈՂՈՔԻ ԱԿՑԻԱ
Հարգելի՛ ընկերներ,
Սիրով հրավիրում ենք բոլորին մասնակցելու բողոքի ակցիային, որը կազմակերպվում է Հայաստանի Կույրերի Միավորման անդամների և աջակիցների կողմից՝ ի նշան խոր դժգոհության ու անվստահության ՀԿՄ կենտրոնական վարչության նախագահի՝ պարոն Ռաֆիկ Խաչատրյանի գործունեության նկատմամբ։

Վայրը․ Երևան, Իսահակյան փողոց 18, 3-րդ հարկ (Հայաստանի Կույրերի Միավորման վարչական շենք)
Ժամը․ 11:00
 Ամսաթիվ․ 2025 թ․ հունիսի 19
Այս բողոքի ակցիան ուղեկցվում է հետևյալ դիմում-առաջարկությամբ, որը փոխանցվել է պարոն Խաչատրյանին՝
 
ՀԿՄ կենտրոնական վարչության նախագահ պարոն Ռաֆիկ Խաչատրյանին
Դիմում-առաջարկություն
Մենք՝ ներքոստորագրողներս, արտահայտելով բազմաթիվ ՀԿՄ անդամների կարծիքը, հայտնում ենք մեր խոր մտահոգությունն ու դժգոհությունը՝ Ձեր՝ որպես ՀԿՄ կենտրոնական վարչության նախագահի գործունեության վերաբերյալ:
2019 թվականին Ձեզ ընտրելով, և առավել ևս՝ 2024 թվականին վերընտրելով, մենք ակնկալում էինք, որ Ձեր ղեկավարության ընթացքում կազմակերպությունը կդառնա իր անդամների և շահառուների կարիքներին արձագանքող, կանոնադրական նպատակներին ծառայող, անդամների մասնակցությունը խթանող, հաշվետու և թափանցիկ կառույց:
Սակայն, ցավով պետք է նշենք, որ ժամանակի ընթացքում մեզ մոտ ձևավորվում է համոզմունք, որ նշված նպատակների նկատմամբ Ձեր մոտեցումը էականորեն տարբերվում է մեր պատկերացումներից։ Մասնավորապես՝
Չեն ձեռնարկվում անհրաժեշտ քայլեր վերանայելու կազմակերպության տարածքների վարձակալման պայմանագրերը, որոնք կնքված են կասկածելի պայմաններով և վարձավճարներով։
Անհրաժեշտ աջակցություն չի ցուցաբերվում այն անդամներին, որոնք զբաղվածության և տնտեսական գործունեությամբ փորձում են ապահովել իրենց և մյուսների բարօրությունը, այն դեպքում երբ կազմակերպության առաջնահերթություններից է անդամների աշխատանքային ներուժի զարգացումն ու կայուն աշխատատեղերի ստեղծմանն աջակցությունը։
Չեն նախաձեռնվում կամ իրականացվում ՀԿՄ անդամների կրթական ծրագրեր, զբաղվածության խթանման միջոցառումներ և կարողությունների զարգացման ծրագրեր։
Կառավարման գործընթացները շարունակում են մնալ սահմանափակ թվով անձանց վերահսկողության տակ, չեն խրախուսվում անդամների ներգրավվածությունն ու մասնակցությունը որոշումների կայացմանը։
Խաթարվում է տեղեկատվություն ստանալու անդամների իրավունքը, հաշվետվողականությունն ու թափանցիկությունը կրում են ձևական բնույթ։
Հաշվի առնելով վերոնշյալը՝ առաջարկում ենք․
Կազմակերպել բաց քննարկում՝ նույնականացնելու առկա խնդիրները։
Պարզաբանել կողմերի դիրքորոշումներն ու տեսակետները վերոնշյալ հարցերի շուրջ։
Համատեղ մշակել և ընդունել գործողությունների հստակ պլան և ճանապարհային քարտեզ՝ ուղղված խնդիրների կարգավորմանը։
Մենք խորապես համոզված ենք, որ ՀԿՄ-ի խնդիրները հնարավոր է լուծել կազմակերպության ներսում՝ կառուցողական երկխոսության, փոխըմբռնման և համագործակցության միջոցով։
Մերժման կամ անարձագանք մնալու դեպքում մենք ստիպված կլինենք դիմել մեզ հասանելի բոլոր օրինական միջոցներին՝ ՀԿՄ կանոնադրության և ՀՀ օրենսդրության սահմաններում։
Վ. Արզումանյան
Բ. Մակարյան

Այս թեմայով Ալիևի կողմից Ադրբեջանում սկսվել է նախաձեռնված համաներման գործընթացը Իլհամ Ալիևը չի մասնակցի ԱՊՀ երկրների ղեկավարների ոչ ֆորմալ հանդիպմանը Ադրբեջանական բենզինի թաքնված ականները. Մեկնաբանում են տնտեսագետները Ուիտկոֆը հայտարարություն է տարածել ուկրաինացիների հետ բանակցությունների մասին Մոսկվայում ձերբակալել են կարատեի աշխարհի չեմպիոն Կամո Ունանյանին