Հերթը հասավ Շենգավիթի Ռազին

Թե ինչ է կատարվում քաղաքապետարանում եւ վարչական շրջաններում, արդեն լուրջ մտածելու տեղիք է տալիս: Կա՛մ ձերբակալվում են վարչության անդամները՝ կաշառք վերցնելու կասկածանքով, կա՛մ հայտնվում են տնային կալանքի մեջ, կա՛մ հեռացման դիմում են ներկայացնում:

Այսպիսով՝ հերթը հասել է Շենգավիթի թաղապետ ՌԱԶՄԻԿ ՄԿՐՏՉՅԱՆԻՆ: Բանն այն է, որ իբր թե, ըստ շրջանառվող լուրերի, Ռազմիկին էլ չեն սիրում ՔՊ-ում եւ ասել են՝ «խաղալիքներդ հավաքի գնա»: Բայց այս ամենն ունեցել է սկզբնաղբյուր: Ըստ նույն աղբյուրների` Ռազը չի ցանկացել բավարարվել թաղապետի աթոռով եւ որոշել է լինել ՔՊ Շենգավիթի տարածքային կառույցի խորհրդի նախագահ, սակայն վերընտրվել է Մակարյան Տիգրանը: Մկրտչյանն էլ նեղացել ու դիտավորյալ բաներ է անում, ընդհուպ՝ ինքնակամ որոշում է նիստ գումարել՝ առանց խորհրդին տեղյակ պահելու, որը տեղի է ունենում սույն թվականի հունիսի 6-ին:

Այս քայլն այլեւս չի ներվել ՔՊ-ականների կողմից եւ ԱԺ ՔՊ խմբակցության քարտուղար Արթուր Հովհաննիսյանի «թեթեւ ձեռքով»՝ հասել են վերջինիս պաշտոնանկությանը: Շենգավիթի ՏԿ խորհուրդն էլ, խիստ դատապարտելով Մկրտչյանի քայլը, սոցցանցային օնլայն խմբում իրենց մտահոգությունն են հայտնում: Արդյունքում` Շենգավիթ վարչական շրջանի ղեկավարը ստիպված մնում է մենակ, պաշտոնաթող եւ բոլորովին լքված` անգամ ՔՊ-ից:

ՆԱՆԱ ՍԱՐԳՍՅԱՆ

Այս թեմայով Շուտով կիմանաք, ով եմ ես եւ ինչ եմ ինձնից ներկայացնում. Վահագն Մկրտչյան Բեմը լողավազանում, տոմսերը` սառույցի մեջ. ամառվա վերջին շաբաթը թեժ էր Եթե ո՛չ ԲԴԽ-ն, ո՛չ ԱԱԾ-ն, ապա ո՞վ է Փաշինյանին «հուշում» «Մեծ հավատաքննիչի» կերպարով հանդես գալը ոչ թե ուժի, այլ խորքային տագնապի դրսեվորում է․ Հայր Վաչե Մենք Սոսի հետ վաղուց խոսացել ենք ու որևէ խնդիր իրար հետ չունենք. Մհեր Մկրտչյան