ՀԱՅԿԱԿԱՆ ԾԱՆՐԱՄԱՐՏԻ ԼԵԳԵՆԴ ՅՈՒՐԻ ՎԱՐԴԱՆՅԱՆԸ ԿԴԱՌՆԱՐ 69 ՏԱՐԵԿԱՆ

Հունիսի 13-ը, լեգենդար ծանրամարտիկ, Օլիմպիական խաղերի, Աշխարհի 7-ակի, Եվրոպայի 5-ակի չեմպիոն ՅՈՒՐԻ ՎԱՐԴԱՆՅԱՆԻ ծննդյան օրն է, կդառնար 69 տարեկան։

Հայաստանի ծանրամարտի ֆեդերացիայի նախագահ Արայիկ Հարությունյանը, գլխավոր քարտուղար Սամվել Գասպարյանը, կանանց ու տղամարդկանց թիմերի անդամները Աշխարհի ու Եվրոպայի չեմպիոնները հարգանքի տուրք են մատուցել հայկական ծանրամարտի լեգենդի շիրիմին, ծաղիկներ խոնարհել ու խնկարկել։

«Յուրի Վարդանյանն այն քիչ մարզիկներից է, որի մասին խոսում է ամբողջ աշխարհը։ Արդեն ի պաշտոնե ներկայանալով որպես Հայաստանի ծանրամարտի ֆեդերացիայի նախագահ միշտ տալիս են Յուրի Վարդանյանի անունը։ Այն, ինչ արել է Վարդանյանը որպես մարզիկ, քչերին է հաջողվել բարձրացնել անհնարինը, մեծ համբավ բերել ոչ միայն իրեն, այլ նաև Հայաստանին։ Մենք պարտավոր ենք այսօր այստեղ լինել ոչ միայն մարզիկներով, այլ նաև մեր մյուս գործընկերներով ցույց տալու, որ հիշում ենք նրա սխրանքը։ Նա օրինակ պետք է լինի մյուսների համար», ֊ասել է Հայաստանի ծանրամարտի ֆեդերացիայի նախագահ Արայիկ Հարությունյանը։

Հայաստանի ծանրամարտի ֆեդերացիայի գլխավոր քարտուղար ՍԱՄՎԵԼ ԳԱՍՊԱՐՅԱՆԸ, ով Յուրի Վարդանյանի քրոջ թոռն է, նշել է. 

- «Կրտսեր սերունդը պետք է իր հարգանքի տուրքը մատուցի անվանի մարզիկներին։ Մենք պարտավոր ենք մեր հարգանքի տուրքը մատուցել մեր մեծանուն մարզիկներին, որովհետև մեր մարզաձևը ծանրամարտը, հենց նրանցով է զարգացել։ Նմանատիպ միջոցառումները պետք է շարունակական դարձնել ֆեդերացիայի կողմից»։

Հարգանքի տուրք է մատուցել նաև Գյումրեցի անվանի ծանրորդ, Օլիմպիական խաղերի փոխչեմպիոն, Աշխարհի ու Եվրոպայի չեմպիոն ՎԱՐԱԶԴԱՏ ԼԱԼԱՅԱՆԸ, ով առանձնակի հպարտությամբ է խոսել լեգենդար մարզիկի մասին.

- «Յուրի Վարդանյանը շատ մեծ օրինակ է թե մեզ համար, թե հայկական սպորտի համար։ Մեզ համար նա օրինակ է, որ ծանրամարտում կարողանանք անհնարինը հնարավոր դարձնել»։

ՀՈՎՀԱՆՆԵՍ ՍԱՐԳՍՅԱՆ

Այս թեմայով ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Գուցե արժե հարցնեք ինքներդ ձեզ՝ ինչի՞ եք հասցրել այս երկիրը․ ԶԱՐՄԱՆՔ Դուք ո՞վ եք, ի՞նչ իրավունքով եք հայտարարում, որ Արցախն արցախցիների հայրենիքը չէ. Քրիստինե Վարդանյան Ռուբեն Վարդանյանի կնոջը սպառնում են ձերբակալել, եթե նա այցելի Բաքու Մեղավորները գահին են, արդարները՝ բանտում․ այսօր ՀԱՊ կուսակցության նախագահի ծննդյան 45-ամյակն է