Ուկրաինայում ծայրահեղ մտահոգիչ են համարում Իրանին հասցված հարվածները. «Պանդորայի արկղը» բացվեց

Ուկրաինայում ծայրահեղ մտահոգիչ են համարում Իրանին հասցված հարվածները, եւ միանգամից երկու հիմնական նկատառումից ելնելով:

Նախ, իրանա-իսրայելյան հակամարտությունը խոստանում է երկարել: Թեեւ այս պահին Իրանը ստացել է լուրջ հարված, այն է` գլխատվել է բանակը, սակայն սա դեռ միայն սկիզբն է: Այսինքն, եթե ԱՄՆ-ի հիմնական ուշադրությունը ֆիքսվում է Մերձավոր Արեւելքի վրա, Կիեւը ռազմական աջակցության հարցում հաստատ լրջագույն խնդիրների առաջ է կանգնելու:

Երկրորդը. Իսրայելի հարվածն ուղղված էր ռազմական վերնախավին, հավանական է, որ հաջորդ հարվածը կհասցնի կայունության գլխավոր հենարանին` կրոնական վերնախավին: Ապա նաեւ` միջուկային համակարգին: Դա, ըստ ուկրաինական աղբյուրի` «Բացեց «Պանդորայի արկղը», նաեւ նկատի ունենալով, որ Թրամփը ոչ միայն չդատապարտեց, այլ` իսրայելյան հարվածները համալրեց վերջնագրով», ընդգծում է ուկրաինական աղբյուրը:

Ստացվում է, որ կարելի է նաեւ այդպես: Նկատի ունենք, որ դա նաեւ` «Կրեմլի համար բացվում է հիանալի հնարավորություն՝ հարվածելու նաև Կիևի վերնախավին: Կարող է հարվածել նաեւ միջուկային օբյեկտներին` ուկրաինական ատոմակայանների ենթակառուցվածքներին՝ Կիևը էլեկտրաէներգիայից անջատելու համար` ամեն նման հարվածից հետո հանդես գալով նոր վերջնագրով` Թրամփի օրինակով»:

Այս թեմայով Կրեմլն արդեն պատրաստել է Արևմտյան Ուկրաինայում թիրախների ցանկ. Ուկրաինական աղբյուր Ուկրաինայում արտակարգ էլեկտրաէներգիայի անջատումներ են. Էներգետիկայի նախարարություն Ռուսաստանը մտադիր է ոչնչացնել Ուկրաինայում ամեն ինչ Թրամփը կրկնապատկում է Ուկրաինայում պատերազմին վերջ տալու ջանքերը. Ֆինլանդիայի նախագահը Ռուսները խոցել են Ուկրաինայում ինտերնետ հասանելիություն ապահովող օբյեկտների 25%-ը