ԱՅՍՕՐ ԳՅՈՒՄՐԵՑԻ ԱՆՎԱՆԻ ԾԱՆՐԱՄԱՐՏԻԿ, ԵՎՐՈՊԱՅԻ ԿՐԿՆԱԿԻ ՉԵՄՊԻՈՆ, ՕԼԻՄՊԻԱԿԱՆ ԽԱՂԵՐԻ ՄԱՍՆԱԿԻՑ ԳԱՐԻԿ ԿԱՐԱՊԵՏՅԱՆԻ ԾՆՆԴՅԱՆ ՕՐՆ Է

Այսօր, հունիսի 11-ը, Գյումրեցի անվանի ծանրամարտիկ, Հայաստանի ծանրամարտի տղամարդկանց հավաքականի անդամ, Եվրոպայի կրկնակի չեմպիոն, Փարիզի Օլիմպիական խաղերի մասնակից ԳԱՐԻԿ ԿԱՐԱՊԵՏՅԱՆԻ ծննդյան օրն է, 22-րդ տարեդարձն է նշում։

Iravunk. com-ի մարզական լրագրողը զրուցել է օրվա հոբելյարի հետ։

- Շնորհավորում ենք, Գարիկ, ծննդյան տարեդարձի առթիվ, մաղթում նորանոր հաղթանակներ, առողջություն, երջանկություն ։

-Շատ շնորհակալ եմ ։Կուզենամ, որ ամենակարևորը մեր երկրում լինի խաղաղություն։ Այժմ ուսումնամարզական հավաքների ենք մասնակցում Ծաղկաձորում, պատրաստվում ենք աշնանը կայանալիք Աշխարհի առաջնությանը։ Ջանք ու եռանդ չեմ խնայում, որպեսզի կարողանամ հաջող հանդես գալ ու նվաճել նաև Աշխարհի ոսկե մեդալը։ Հիշեցնենք, որ Գարիկ Կարապետյանը ապրիլին Մոլդովայի մայրաքաղաք Քիշնևում կայացած Ծանրամարտի Եվրոպայի առաջնության ժամանակ փայլուն հանդես եկավ ու նվաճեց չեմպիոնի տիտղոսը, 411կգ/185+226կգ/։

Գարիկը այժմ Եվրոպայում գտնվում է լավագույն ծանրորդների շարքում։ Նա բացի լավ ծանրորդ լինելուց նաև շատ հիանալի անձնավորություն է։ Գարիկի անձնական մարզիչը հայրն է Ալեքսան Կարապետյանը։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Եվրոպայի առաջնությունում այսօր ռինգ դուրս կգա Հայաստանի երեք ներկայացուցիչ Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։