Չոբանքյարայում բունտ է հասունանում. Newsmedia.am

Արմավիր» քրեակատարողական հիմնարկում, որն առավել հայտնի է որպես Չոբանքյարա, NewsMedia.am-ին հասած տեղեկությունների համաձայն բունտ է հասունանում: 

Պատճառը՝ քրեակատարողական հիմնարկի ներսում տիրող խայտառակ սանիտարահիգենիկ վիճակն է, իսկ ավելի ստուգ մի քանի օր է, ինչ բանտախցերում  կուտակված աղբը չի  հեռացվում աշխատակիցների կողմից, որի արդյունքում սարսափելի քաոս է տիրում ՔԿՀ-ում: 

Իսկ  երբ  ըմբոստները փորձում են բարձրաձայնել, թե ինչն է պատճառը որ չի հեռացվում աղբը, քրեակատարողականի աշխատակիցներն անցնում են  գործի՝փորձելով նոր պատմությունների, ինտրիգների ու պատմությունների մեջ ներքաշել քրեակատարողական հիմնարկի կալանավորներին:

Թե ինչն է այս բարձիթողի իրավիճակի պատճառը, եւ թե ո՞րն է պատճառը՝հնարավոր բունտի հասունացման, հուսանք Արդարադատության նախարար Սրբուհի Գալյանը  կփորձի գտնել  հարցի պատասխանը: 

NewsMedia.am-ը եւս  գրավոր հարցադրումներ կուղարկի մի շարք գերատեսչությունների՝ պարզելու թե ինչ քաոս ու ամենաթողություն է տիրում Արմավիր ՔԿՀ-ում: 

Աղբյուր Newsmedia.am