Վարչապե՛տ ես, ի՛նչ ես, իրավունք չունե՛ս մտնել հոգևոր դաշտ․ Հակոբ Ասլանյան

Մենք թեոկրատիկ երկիր չենք, մենք աշխարհիկ երկիր ենք: Այսինքն՝ աշխարհիկ իշխանությունն իրավունք չունի մտնելու հոգևոր աշխարհ: Ես գտնում եմ, որ այն, ինչ այսօր արվում է Հայոց եկեղեցու հանդեպ, շատ մեծ սխալ է: Այս մասին լրագրողների հետ զրույցում ասաց նախկին ՔՊ–ական, այժմ անկախ պատգամավոր Հակոբ Ասլանյանը։

«Այստեղ տարբերակենք Հայոց Եկեղեցին և եկեղեցականի հարցը: Նախ նորից եմ ասում՝ վարչապետ ես, ինչ ես, չգիտեմ, վարչապետն իրավունք չունի մտնելու հոգևոր դաշտ: Բացարձակապես դա հոգևոր դաշտի տիրույթն է: Եթե դժգոհություն կա՝ դա որոշելու են եպիսկոպոսները, արքեպիսկոպոսները, հոգևորականությունը և ժողովուրդը:

Իրականում այս գործընթացի հիմքում շատ ավելի խորը բան կա: Նիկոլ Փաշինյանը փորձում է հակապետական գործ անել, փորձում է եկեղեցուն մի կողմ հրել, որպեսզի եկեղեցին չդառնա խոչընդոտ իր գործողությունների համար»,– ասաց պատգամավորը։

Նրա խոսքով՝ Փաշինյանի գործողություններին հակազդելու միակ ռեալ ուժը Եկեղեցին է․

«Կարծում եմ՝ Նիկոլ Փաշինյանը մի ցանկություն ունի՝ ամեն գնով խաղաղության պայմանագիրը կնքել, որպեսզի վերընտրվի։ Սա ամբողջությամբ տանում է միայն վերընտրման, նորից իշխանության ուզուրպացման գործին»:

Պատգամավորը վստահեցրեց՝ ամեն ինչ անելու են, որպեսզի Փաշինյանը չվերընտրվի, որովհետև «անկախ նրանից, թե նախորդ տարիներին ինչ է արվել կամ ինչ է բաց թողնվել, Փաշինյանը իրեն սպառել է և նա պետք է հեռանա»:

Այս թեմայով Պէրպէրեանի համար դատախազը պահանջեց 6 տարվա ազատազրկում 6 տարի է գիտենք՝ մի օր Տիգրանաշենը հանձնելու է, ընդդիմությունը, մենք ի՞նչ ենք անում․ Հակոբ Պէրպէրեան Գայթակղություն առաջացավ գամ, փաթաթվեմ ձեզ, փաստորեն էդքան ազնիվ եք եղել. Ասլանյանը՝ Փաշինյանին Լոռու մարզի Ակներ գյուղի ժողովրդական թատրոնը նշեց հիմնադրման 100-ամյակը Այսօր վերջին հրաժեշտը տվեցին հայկական հեռուստատեսության լեգենդներից մեկին