ԱՄՆ միջազգային կրոնական ազատությունների հանձնաժողովը կոչ է արել պատժամիջոցներ կիրառել Ադրբեջանի պաշտոնյաների նկատմամբ

Միջազգային կրոնական ազատության հարցերով ԱՄՆ հանձնաժողովը (USCIRF) ԱՄՆ կառավարությանը կոչ է արել Ադրբեջանին թողնել հատուկ հսկողության ցանկում՝ կրոնական ազատության լուրջ խախտումներ կատարելու կամ հանդուրժելու համար։

Հանձնաժողովը միաժամանակ կոչ է արել թիրախային պատժամիջոցներ կիրառել Ադրբեջանի կառավարական մարմինների, մասնավորաես Ներքին գործերի նախարարության կազմակերպված հանցագործության դեմ պայքարի գլխավոր վարչության, և կրոնական ազատության լուրջ խախտումների համար պատասխանատու պաշտոնյաների նկատմամբ՝ սառեցնելով նշված անձանց ակտիվները և/կամ արգելելով նրանց մուտք գործել Միացյալ Նահանգներ։

Նշվում է, որ ԱՄՆ Կոնգրեսը պետք է պահանջի Ադրբեջանում կրոնական ազատության ոլորտում կոնկրետ բարելավումներ, նախքան ԱՄՆ նախագահը կարողանա վերացնել երկրին տրամադրվող անվտանգության օգնության սահմանափակումները։

Նշվում է, որ ավելի վաղ ամերիկյան Freedom House ոչ կառավարական իրավապաշտպան կազմակերպությունը պարզել էր, որ Ադրբեջանը 2020 և 2023 թվականներին իր ռազմական գործողությունների ընթացքում «Լեռնային Ղարաբաղում հայ բնակչության և պատմամշակութային ներկայության էթնիկ զտման համապարփակ, մեթոդական ռազմավարություն է իրականացրել»։

Կազմակերպությունը հանգել է եզրակացության, որ Ադրբեջանի գործողությունները ռազմական հանցագործություններ են և մարդկության դեմ ուղղված հանցագործություններ։ Հայ ռազմագերիները, ըստ հաղորդումների, ենթարկվել են կրոնական բռնության, ներառյալ՝ բանավոր վիրավորանքների, միաժամանակ Բաքուն յուրացրել և ոչնչացրել է հայկական կրոնական հուշարձանները։

Այս թեմայով ԱՄՆ-ում փորձում են փրկել մահապատժի ենթարկված կնոջը փրկելու համար ՇՏԱՊ. Բավ է ողբաք. Հայտնի փաստաբանը հայտարարությամբ է հանդես եկել ԱՄՆ–ում բենզինի գները փոխում են մեծ խաղի կանոնները TRIPP-ը «Խաղաղության խաչմերուկի» կարևոր բաղադրիչն է. ՀՀ-ի ու Ադրբեջանի միջև կստեղծի երկաթուղային կապ Հանրային քրեական հետապնդում է հարուցվել Ադրբեջանի քաղաքացու նկատմամբ