Ավտովթարի հետևանքով հիվանդանոց տեղափոխված 3 վիրավորներից մեկը մահացել է

ՀՀ քննչական կոմիտեի Արագածոտնի մարզային քննչական վարչությունում նախաձեռնվել է քրեական վարույթ՝ հունիսի 6-ին Երևան-Գյումրի ավտոճանապարհի 28 կմ հատվածում տեղի ունեցած ավտովթարի փաստով, որի հետևանքով հիվանդանոց տեղափոխված վիրավորներից մեկը մահացել է։

Ինչպես հայտնում է Shamshyan. com-ը, քրեական վարույթի շրջանակներում պարզվել է, որ «Mercedes»-ը վարել է Արագածոտնի մարզի բնակիչ 44-ամյա Ռուդիկ Բ.-ն, ով բախվել էր երկաթե արգելապատնեշներին, ինչի հետևանքով էլ Ռուդիկ Բ.-ն, նրա ուղևոր՝ Արագածոտնի մարզի բնակիչ 39-ամյա Սիրանուշ Բ.-ն տեղափոխվել էին «Արմենիա» բժշկական կենտրոն, իսկ մյուս ուղևոր՝ Արագածոտնի մարզի բնակիչ 12-ամյա Նատալի Բ.-ն՝ «Աշտարակ» բժշկական կենտրոն։

Նույն օրը՝ ժամը 23:10-ին, «Արմենիա» բժշկական կենտրոնից ոստիկանության Աշտարակի բաժին հայտնել են, որ վիրավորներից Սիրանուշ Բ.-ն մահացել է։

Գ. Շամշյանի տեղեկություններով՝ վարորդը, մահացածն ու մյուս վիրավորը ազգականներ են։

Այս թեմայով Քաջարանում բեռնատար է կողաշրջվել․ փրկարարները վարորդի դին դուրս են բերել արգելափակումից Խոշոր վթար՝ «Յուվայի» կամրջի վրա Վթար՝ Պռոշյանում․ օտարերկրացի մոտոցիկլավարը և ուղևորը հիվանդանոցում են Ավտոպատահարի հետեւանքով կա տուժած 32-ամյա վարորդը բեռնատար «Գազել»-ով կողաշրջվել է