Հայուհիները մի քիչ ամաչկոտ են, բայց դա էլ իր էֆեկտն ու սթայլն ունի. Սեկու

Երեւանում վերջերս կայացավ «Հայաստանի դեմք 2025» համազգային մոդելային մրցույթը, որը վերածվեց նորաձեւության եւ ընդհանրապես մշակույթի յուրօրինակ տոնի։ Տարբեր տարիքի երեխաներ Հայաստանի մարզերից, ինչպես նաեւ Արցախից բռնի տեղահանված,  հնարավորությունն ունեցան փայլելու բեմում:

Մրցույթը ոչ միայն նորաձեւության միջոցառում էր, այլեւ՝ ազգային ինքնության ու միասնության յուրահատուկ արտահայտում։ Մասնակիցները ներկայացրեցին ինչպես հայկական ավանդական տարազներ, այնպես էլ շքեղ տոնական զգեստներ՝ արտացոլելով ժամանակակից գեղագիտության եւ ազգային ոճի միահյուսումը։

Ժյուրիի կազմում ընդգրկված էին թե՛ տեղական, թե՛ միջազգային ճանաչում ունեցող մասնագետներ, այդ թվում՝ հատուկ հյուրեր Վրաստանից։ Միջոցառման հաղթողները հնարավորություն ստացան ներկայացնելու Հայաստանը միջազգային տարբեր գեղեցկության եւ մոդելային մրցույթներում։

Ժյուրիի կազմում էր նաեւ երգիչ ՍԵԿՈՒՆ (Sekou King), ում հետ առիթ ունեցավ զրուցելու «Իրավունք»-ը:

— Հեշտությա՞մբ կարողացաք ընտրություն կատարել, թե ովքեր կարող են հավակնել «Հայաստանի դեմք 2025»-ի տիտղոսին:

— Այո, իրականում բոլորն էլ շատ լավն էին իրենց հայկական ոճով: Ինքս, որպես ժյուրիի անդամ, ավելի շատ ամենաբարձր միավորը՝ 10-եր եմ նշանակել:

— Փաստորեն, խիստ ժյուրի չէիք:

— Չգիտեմ, գուցե, բայց սա է իմ ճիշտը, որով առաջնորդվում եմ՝ տեսնել գեղեցիկը:

— Ձեր գնահատմամբ՝ մասնավորապես հայուհիներն ինչո՞վ են տարբերվում այլ երկրների գեղեցկուհիներից:

— Հայուհիները մի քիչ ամաչկոտ են, բայց դա էլ իր էֆեկտն ու սթայլն ունի:

— Ի՞նչ ստեղծագործական նորություններ սպասենք Ձեզնից առաջիկայում:

— Վերջերս հանդիսատեսի դատին հանձնեցի նոր տեսահոլովակ՝ «Նինաո» վրացական երգի հիման վրա:  Այս երգը սարքել ենք ռեմիքս՝ կեսը հայերեն է, կեսը՝ ֆրանսերեն, իսկ երաժշտությունը վրացական է։ Այս երգը նվիրում եմ բոլոր հայերին:

— Դուք բավական երկար ժամանակ է Հայաստանում եք ապրում, հարմարվե՞լ եք մեր իրականությանը:

— Աո, արդեն հարմարվել եմ, ես սիրում եմ Հայաստանը, շատ հանգիստ երկիր է ու ամենից կարեւորը, որ մարդիկ են շատ լավը:

— Իսկ ո՞րն է գաղտնիքը, որ Ձեզ հաջողվեց շահել նաեւ մեծ թվով հայերի սերը:

— Բոլորը դա են ասում: Ինքս էլ չգիտեմ, բայց շատ շնորհակալ եմ բոլոր հայերին դրա համար:

ՀՐԱՆՏ ՍԱՐԱՖՅԱՆ

Այս թեմայով ՇՏԱՊ. «ԴՕԿ» կուսակցության շտաբի պետ, հայտնի փաստաբան Լեվոն Բաղդասարյանը բացառիկ հայտարարությամբ է հանդես եկել Երկրորդ շանս բնությունը չի սիրում. Բռնի տեղահանումից երկու տարի անց վերքերը արյունահոսում են նույն ուժգնությամբ TRIPP-ի կյանքի կոչվելը որեւէ կերպ չի կարող սպառնալ Իրանի անվտանգությանը. Իրանահայ խմբագիրը մանրամասներ է ներկայացնում ՌԴ-ի հետ առեւտրում պետք է զգույշ լինել բրենդների փոփոխության հարցում. Տնտեսագիտության դոկտոր-պրոֆեսորը տնտեսական ռիսկերի մասին «Սարխանի» լրտեսության գործի մանրամասները. «Սալամ, Թուրալ»