Ջոն վան’տ Սխիպը դժգոհեց հայ ֆուտբոլիստների խաղամակարդակից, մրցաշարից. Կոսովոյից կրած պարտության հետքերով

Ֆուտբոլի Հայաստանի հավաքականի հոլանդացի գլխավոր մարզիչ Ջոն վան’տ Սխիպը խոսելով Պրիշտինայում տեղի ունեցած ընկերական խաղում Կոսովոյի թիմից կրած 2:5 հաշվով պարտության մասին նշեց.

«Մինչեւ 60-րդ րոպեն հավաքականը շատ լավ տեսք ուներ, լավ խաղ էր ցուցադրում, բայց երկրորդ խաղակեսում ինչ-որ բան շեղվեց, ֆուտբոլիստները կորցրին կենտրոնացվածությունը:  Հայաստանի հավաքականի ֆուտբոլիստները ինտենսիվ ֆուտբոլ խաղալու խնդիր ունեն: 60-րդ րոպեից հետո սկսվեցին նաեւ անհատական սխալները: Բայց մինչեւ 60-րդ րոպեն հավաքականը շատ լավ տեսք ուներ:

Լուծումներից մեկն այն է, որ ֆուտբոլիստները պետք է կայուն խաղաժամանակ ստանան իրենց ակումբներում: Սեւիկյանը, Թիկնիզյանը շատ լավ սկսեցին, բայց վերջում հոգնեցին, սա խաղաժամանակ չունենալու պատճառն է: Նույնը կասեմ նաեւ մյուս խաղացողների մասին:

Կոսովոյի հավաքականում, կամ նույն հաջողությամբ Վրաստանի հավաքականում  կան այնպիսի ֆուտբոլիստներ, որոնք խաղում են բարձր լիգաներում, ինչի խնդիրը մենք ունենք:  

Պետք է հաշվի առնել ֆուտբոլիստների որակները: Ես չեմ տեսնում Հայաստանի առաջնությունում 9 համարի հարձակվող, եթե այդպես լիներ կեղծ 9 համարով չէինք սկսի:

Երկրորդ գոլից հետո թիմը կորցրեց իր ֆիզիկական կայունությունը: Եթե դու անընդհատ մարզվես այնպիսի բարձր մակարդակի, որ կարողանաս այսպիսի խաղերում դիմանաս միչեւ վերջ, ինչպես Կոսովոյի հավաքականն արեց: Դու չես կարող գնդակը ստանալ եւ երկու վայրկյան մտածես, թե ինչ պետք է անես:

Մենք պետք է շատ աշխատենք: Հույս ունեմ, որ այս խաղերից հետո ֆուտբոլիստները կսկսնեն խաղաժամանակ ստանալ իրենց ակումբներում, որոշներն էլ կտեղափոխվեն ավելի բարձրակարգ ակումբ:

Հանդերձանից դուրս գալիս զայրացած չէի, ավելի շատ հիասթափված էի: Որեւէ մեկին չեմ կարող մեղադրել այս պարտության մեջ, մասնավորապես ֆուտբոլիստներին չեմ մեղադրում, քանի որ նրանք արեցին ամեն հնարավորը: Շատ զայրացած էի հանդիպման երկրորդ կեսում, երբ Սեւիկյանի դիպչելու պատճառով մրցավարը 11-մետրանոց նշանակեց եւ մենք այդ դրվագից հետո կորցրինք մեր առավելությունը:

Ուղղակի հիասթափված եմ այսպիսի պարտությունից հետո»,- ասաց Ջոն վան’տ Սխիպը:

Հունիսի 9-ին Հայաստանի հավաքականն ընկերական խաղում կհյուրընկալվի Չեռնոգորիայի թիմին։

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Մաղթում ենք խաղաղ կյանք և բարգավաճում․ ՀՀ-ում ՌԴ դեսպանությունը շնորհավորել է Հայաստանի ժողովրդին Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար