«ԵՐԻՏԱՍԱՐԴԱԿԱՆ ԵԱ-ԻՑ ՀԵՏՈ ՄԻԱՆԳԱՄԻՑ ՄԵԾԱՀԱՍԱԿՆԵՐԻ ՊԱՅՔԱՐ, ՈՍԿԵ, ԱՐԾԱԹԵ ՄԵԴԱԼՆԵՐ»

Վերջերս Գերմանիայի Լայպցիգ քաղաքում կայացած Սպորտային մարմնամարզության Եվրոպայի առաջնությունում փայլուն են հանդես եկել մեր հավաքականի անդամները նվաճելով 4 մեդալ, որից 2 ոսկե, 1 արծաթե ու 1 բրոնզե։ Հավաքականի առաջատար, ՕԽ արծաթե ու բրոնզե մեդալակիր, Աշխարհի չեմպիոն Արթուր Դավթյանը ոսկե մեդալ է նվաճել հենացատկի վարժության եզրափակչում, մարզական կարիերայում երրորդ անգամ հռչակվելով Եվրոպայի չեմպիոն։ Հայաստանի ներկայացուցիչներից ավելի վաղ ԵԱ-ի չեմպիոնությունը նվաճել էր նաև Համլետ Մանուկյանը, Մամիկոն Խաչատրյանը դարձել էր արծաթե, իսկ Արթուր Ավետիսյանը բրոնզե մեդալակիր։

Iravunk. com -ի մարզական լրագրողը զրուցել է մեծահասակների Եվրոպայի նորընծա չեմպիոն, երիտասարդների Աշխարհի կրկնակի ու Եվրոպայի չեմպիոն, Աշխարհի գավաթակիր ՀԱՄԼԵՏ ՄԱՆՈՒԿՅԱՆԻ հետ։

- Շնորհավորում ենք, Համլետ, նորամուտդ մեծահասակների ԵԱ- ում հաղթանակով մեկնարկելու առթիվ։ - Շատ շնորհակալ եմ։ Այս հաղթանակս նվիրում եմ իմ հայ ազգին, մեր բոլոր զինվորներին։ ԵԱ-ն լավ ստացվեց։ Շատ լավ զգացողություններ ունեմ։ Առաջին անգամ էի մասնակցում մեծահասակների ԵԱ-ին։ Շատ ուրախ եմ, որ կարողացա նվաճել ոսկե մեդալ։ Շնորհակալ եմ Աստծուն այս հաղթանակի համար։ Շնորհակալ եմ նաև իմ մարզիչներին։ Շատ ուրախ եմ նաև ընկերներիս նվաճած մեդալների համար։ Ինչպես ամեն մրցաշարի, այս անգամ էլ սպասումներով էի մեկնել։ Միշտ հաղթանակի համար եմ մեկնում, սակայն մրցաշարն է ցույց տալիս, թե ինչպես կստացվի։ Նժույգ թափեր վարժությունում հակառակորդներս բոլորն էլ ուժեղ էին։ Բնական է, Եվրոպայի առաջնություն էր, ու մասնակցում էին բոլոր ուժեղները։ Պիտի ձգտեմ հասնել մեծահասակների Աշխարհի ու Օլիմպիական խաղերի ոսկե մեդալներին։

Հավելենք, որ այս վարժությունում Եվրոպայի փոխչեմպիոն դարձավ Մամիկոն Խաչատրյանը, նա Համլետ Մանուկյանին զիջեց շատ քիչ միավորներով, Խաչատրյանը արծաթե մեդալակիր դարձավ 14.733 միավորով։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Եվրոպայի առաջնությունում այսօր ռինգ դուրս կգա Հայաստանի երեք ներկայացուցիչ Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։