Գնահատում ենք Փաշինյանի և հայ վետերանների մասնակցությունը Մոսկվայում մայիսի 9-ի տոնակատարություններին. Մատվիենկո

Ուրախալի է, որ Մոսկվան և Երևանը շարունակում են պահպանել միջխորհրդարանական երկխոսությունը, այդ թվում ՝ բազմակողմ ձևաչափերում՝ քննարկելով  առավել արդիական և սուր հարցերը. այս մասին ասել է ՌԴ Դաշնային խորհրդի նախագահ Վալենտինա Մատվիենկոն Երևանում Հայաստանի Ազգային ժողովի և ՌԴ Դաշնային ժողովի միջև համագործակցության միջխորհրդարանական հանձնաժողովի նիստում։

Նրա խոսքով՝ Ռուսաստանը շահագրգռված է Հայաստանի հետ բազմակողմանի համագործակցության զարգացմամբ և ընդլայնմամբ: 

«Այսօր մենք բնական դաշնակիցներ ենք, գործընկերներ, որոնք հետաքրքրված են տարբեր ոլորտներում համագործակցության զարգացմամբ և ընդլայնմամբ», - ասել է Մատվիենկոն՝ «Մեծ հաղթանակի 80-ամյակը. միասնություն ապագա սերունդների համար պատմական հիշողության պաշտպանության գործում» խորագրով նիստում:

Նա նշել է, որ հայ ժողովուրդն անգնահատելի ներդրում է ունեցել Հայրենական մեծ պատերազմում տարած հաղթանակում, հերոսաբար կռվել է առաջնագծում, մատակարարել զենք և ընդունել է պաշարված Լենինգրադից երեխաներ։

«Մենք գնահատում ենք ՀՀ վարչապետ Նիկոլ Փաշինյանի, ինչպես նաև Հայրենական մեծ պատերազմի հայ վետերանների անձնական մասնակցությունը Մոսկվայում մայիսի 9-ի տոնակատարություններին», - ընդգծել է Մատվիենկոն:

Այս թեմայով Լարված իրավիճակ՝ ԱԺ-ի դիմաց Էրդողանը Փաշինյանի հետ զրույցում գոհունակություն է հայտնել Թուրքիա-Հայաստան շփումների կապակցությամբ. Թուրքիայի նախագահական Փաշինյանի՝ եկեղեցուն վարկաբեկող հայտարարությունների վերաբերյալ բողոք է ներկայացվել կոռուպցիայի կանխարգելման հանձնաժողով Գերագույն հոգևոր խորհրդի հայտարարությունը Փաշինյանի աղմկահարույց գրառումների վերաբերյալ Փաշինյանի հակաեկեղեցական արշավն արվում է գերազանցապես Ադրբեջանի թելադրանքով․ ադրբեջանագետ