Դիմակավորված անձինք Կոմիտասի պողոտայում առևանգել են Երևանում բնակություն հաստատած օտարերկրյա քաղաքացու դստերը. երեխան գտնվել է. տեսանյութ

Հունիսի 3-ին՝ ժամը 12.33-ին, Ոստիկանության օպերատիվ կառավարման կենտրոն զանգած տղամարդը հայտնում էր երեխայի առևանգման մասին. Երևանում բնակություն հաստատած օտարերկրյա քաղաքացուն Կոմիտասի պողոտայում վազելով մոտեցել էին դիմակավորված անձինք և փախցրել նրա դստերը:

Մեկնել են Երևան քաղաքի վարչության քրեական ոստիկանները և Համայնքային ոստիկանության Արաբկիրի բաժնի ծառայողները:

Ահազանգողի հետ մանրակրկիտ զրույցից հետո վարկած առաջ քաշվեց, որը կարճ ժամանակ անց հաստատվեց: Ըստ այդ վարկածի՝ աղջնակին փախցրել էր նրա կենսաբանական մայրն իր ներկայիս ամուսնու և երկու այլ անձի հետ: Ավելին’ մայրը նույնպես Երևանում բնակություն հաստատած օտարերկրա քաղաքացի է, և կասկած կար, որ առևանգողները երեխայի հետ կհատեն պետական սահմանը:

Նման դեպքերում ոստիկանության տարածքային ստորաբաժանումների համագործակցությունը հաճախ է արագ արդյունք տվել: Այդպես եղավ և այս անգամ:

Նույն օրը՝ ժամը 17.10-ին, Համայնքային ոստիկանության Նոյեմբերյանի բաժնի ծառայողները Բագրատաշենի սահմանային անցակետում ձերբակալեցին երեխայի մորը, նրա ներկայիս ամուսնուն և էլի մի օտարերկրացու: Առևանգված աղջնակը նրանց հետ էր:

Բոլորն էլ տեղափոխվել են Քրեական ոստիկանության Երևան քաղաքի վարչություն։ Կազմված փաստաթղթերը ներկայացվել են Արաբկիր վարչական շրջանի քննչական բաժին: Հանգամանքները նախաքննությամբ պարզվում են:

Այս թեմայով Ուկրաինական ուժերը հրթիռային հարձակում է իրականացրել Վոլգոգրադի վրա Կիևում մասշտաբային հարձակում է ընթանում, պահեստներն ու բիզնես կենտրոններ են այրվում Ուկրաինական ուժերը խոշոր հարձակում են իրականացրել Սոչիի վրա (Տեսանյութ) Եռօրյա ընդմիջումից հետո ռուսական ուժերը զանգվածային հարձակում են իրականացրել Կիևի վրա (Տեսանյութ) Իրանը սկսել է պատասխան հրթիռային ու անօդաչուների հարձակում ամերիկյան բազաների վրա