Պուտին-Թրամփ հեռախոսազրույցը Զելենսկու համար կարող է դատավճիռ դառնալ. Փորձագետ

Փորձագիտական աղբյուրներն արդեն հասցրել են մեկնաբանել քիչ առաջ կայացած Պուտին-Թրամփ նախապես չհայտարարված հեռախոսազրույցը:

Փորձագիտական գնահատականները տանում են այն հիմնական եւ սպասելի մտքին, որ Ուկրաինան հայտնվել է, մեղմ ասած, ծայրահեղ խոցելի վիճակում:

Հիմնավորումը հետեւյալն է: Կիևը, այդ հարվածներով, ըստ փորձագետների, փորձում էր առաջին հերթին ռուսական օդանավակայանների վրա հարձակումը ԱՄՆ նախագահին վաճառել որպես «նայեք, դեռ շատ վաղ է մեզ անտեսելու համար, մենք դեռ ուժեղ ենք» իմաստով։ Բայց ահա, հեռախոսազրույցի մասին Թրամփի հաղորդագրությունը ցույց է տալիս, խոսակցության հիմնական թեման եղել է Ռուսաստանի վրա, այդ թվում` ստարտեգիական օդանավակայաններին, այն է` ռուսական միջուկային համակարգին ուղղված հարվածի մասին: Ու ԱՄՆ նախագահն ընդամենը ֆիքում է` «Ռուսները զայրացած են, Պուտինը ասում է, որ ստիպված կլինի արձագանքել՝ հանրությանը հանգստացնելու համար, Զելենսկին ինչ-ինչ պատճառներով գրգռեց արջին, որն արդեն պատրաստ էր խաղաղության»։ Եւ վերջ, պատասխան հարվածի անթույլատրելիության, կամ` «լավ կլիներ, որ չհարվածեին» տոնայնությամբ որեւէ բառ Թրամփի մոտ չկա: Այն է` ուկրաինական կողմը սեփական ցանկությամբ գնացել է մի քայլի, որից հետո Թրամփը նրանց պաշտպանելու անհրաժեշտություն չի տեսնում: Ավելին, եթե փորձի պաշտպանել, աչա Մոսկվան դա կգնահատի, որպես ԱՄՆ-ի դրական գնահատականը` իր միջուկային պաշտպանական համակարգի դեմ հարձակմանը: Իսկ դա միանգամից կփլուզի միջուկային անվտանգության ողջ համակարգը` աշխարհը հասցնելով, ըստ փորձագետներից մեկի` «Միջուկային աղետից մեկ վայրկյան պակաս» վիճակի»:

Փոխարենը, Կիեւին դատապարտելով, այժմ Թրամփը որևէ խոչընդոտ չունի ասելու այն, ինչ վաղուց էր ուզում ասել. «Ես իսկապես ուզում էի օգնել Ուկրաինային, բայց այն կրկին ամեն ինչ խառնեց: Այս խելագարներն աշխարհը հասցնում են միջուկային աղետի: Ուրեմն, թող հիմա պատասխան տա` ինչպես ուզում է, ես ձեռքերս լվանում եմ գոնե Մոսկվայի հետ միջուկային բախման չգնալու համար»։ Մնացածն արդեն` ըստ հասկանալի սցենարի:

Այս թեմայով Աստղագուշակ՝ հունիսի 6–ի համար Մենք կոչ ենք անում իշխող կուսակցությանը մնալ կոռեկտության սահմանների մեջ. Ռումինյաի Հայոց Թեմ Թրամփն արգելել է 12 երկրի քաղաքացիների մուտքն ԱՄՆ Աստղագուշակ` հունիսի 5-ի համար ԻՆՉՈՒ ՎԵՀԱՓԱՌԻՆ ՓՈԽԵԼԸ ՆԻԿՈԼԻ ՀԱՄԱՐ ԴԱՐՁԱՎ ԳԵՐԽՆԴԻՐ