Խայտառակ վիճակ Երեւանի կենտրոնում. երեխաների օրը՝ բախտի հույսին

Երեխաների պաշտպանության միջազգային օրը, երբ մայրաքաղաքի կենտրոնական փողոցներում փուչիկներով, երգ ու պարով նշվում էր ամենափոքրերի տոնը, Աբովյան փողոցում պատահեց մի բան, որն, ի հեճուկս տոնի անվանման, ոչ մի կերպ չէր խոսում «պաշտպանության» մասին։

Աբովյան փողոցի կենտրոնական հատվածում մի մեծ ծառ ջարդվել է՝ բառի բուն իմաստով։ Ծառի ճյուղերն ընկել են հետիոտնի անցուղու հատվածում։ Բարեբախտաբար, անցորդների կամ մեքենաների վրա չեն ընկել, բայց մնում է հարցը՝ ինչու պետք է միայն «բարեբախտաբար» փրկվենք, երբ կանխարգելումն էլ կա, իրավասու մարմիններն էլ։

Ծառի անկման պահին տարածքում երեխաներ են եղել՝ իրենց ծնողների կամ ուսուցիչների ուղեկցությամբ։ Դեպքից անցել են ժամեր, բայց պատկան մարմինները՝ Երեւանի քաղաքապետարանը կամ կանաչապատման բաժինը, ոչ մի գործողություն չեն իրականացրել։

Երեխաների պաշտպանության օրը նշվում էր ամեն քայլափոխի՝ բեմեր, ելույթներ, նկարազարդ պաստառներ։ Բայց իրական պաշտպանությունը ոչ թե շքերթներում է, այլ նաև ճյուղը ժամանակին կտրելում։ Ոչ թե տոնական շոուներում, այլ՝ քաղաքում իրականացվող անհրաժեշտ գործերում։

Այս ծառի անկումը, որը կարող էր լինել ողբերգական, հիշեցում է բոլորիս՝ երեխաների պաշտպանությունն ամեն օր է, ամեն ծառի տակ է, ամեն ստվերում է։ Իսկ անտարբերությունն էլ նույնքան վտանագավոր է, որքան՝ անսպասելի փոթորիկը։

ՀՐԱՆՏ ՍԱՐԱՖՅԱՆ

Այս թեմայով Ինչու՞ է 44-օրյա պատերազմի մասնակցի մայրը տուգանվել հասարակական տրանսպորտում. Քաղաքապետարանից պարզաբանում են Գնում են Եվրամիություն, որ Երեւանի քաղաքապետարանը վերածեն նուդիստական ժամանցի կենտրոնի՞ Նախատեսվում է Երևանում ստեղծել միջազգային մակարդակի խաղային, հյուրանոցային, ժամանցային և զբոսաշրջային համալիր Երևանի քաղաքապետարանի նախկին պաշտոնյան մեղադրվում է հողատարածքներն ապօրինի օտարելու մեջ Գիշերը ծառերը կսրսկեն. բնակիչներին հորդորում են փակել պատուհաններն ու պատշգամբի դռները