Ինձագիի հրաժեշտի ուղերձը «Ինտերին»

Սիմոնե Ինձագիի և «Ինտերի»  չորս տարվա համագործակցությունը մոտեցավ ավարտին։

Ինձագիի հրաժեշտի խոսքերը ներկայացնում ենք ստորև.

«Սիրելի ընտանիք,

Եկել է պահը հրաժեշտ տալու այս ակումբին՝ չորս տարվա ճանապարհից հետո, որոնց ընթացքում ես նվիրել եմ իմ ամբողջ էությունը: Ամեն օր «Ինտերն» է եղել իմ առաջին և վերջին միտքը: Ինձ փոխադարձաբար աջակցել են պրոֆեսիոնալիզմով և կրքով խաղացողները, ղեկավարությունը և ակումբի յուրաքանչյուր աշխատակից:

Վեց տիտղոս՝ ներառյալ Երկրորդ աստղով պսակված Սկուդետոն և 2023 թվականի Չեմպիոնների լիգայի եզրափակիչը, վկայում են մեր համատեղ աշխատանքի մասին: Շնորհակալ եմ բաժնետերերին անսասան վստահության, նախագահին և նրա թիմին՝ ամենօրյա աջակցության և բաց երկխոսության համար: Այսօրվա դժվարին օրը մենք անկեղծորեն քննարկեցինք և միասին որոշեցինք ավարտել այս հիանալի ճանապարհը:

Իմ վերջին խոսքը նվիրված է մեր երկրպագուներին, ովքեր աջակցել են ինձ, կիսել են դժվարություններն ու ուրախությունները: Ես երբեք Ձեզ չեմ մոռանա:

Forza Inter.

Սիմոնե Ինձագի»։

«Ինտերն»  նախագահ Ջուզեպե Մարոտան ի պատասխան ասել է.

«Ինտերի բաժնետեր Օուկթրիի և ամբողջ ակումբի անունից շնորհակալություն եմ հայտնում Սիմոնե Ինձագիին նրա կրքի, նվիրվածության և անկեղծության համար: Միայն ամենօրյա համատեղ պայքարի արդյունքում է հնարավոր նման բաց և անկեղծ երկխոսություն, ինչպիսին տեղի ունեցավ այսօր»:

Այս թեմայով «Ինտերի» մեկնարկային կազմը «Ուդինեզեի» դեմ խաղում ՉԼ. «Ռեալի» և «Ինտերի» մեկնարկային կազմերը Սնեյդերը թերագնահատել է «Ինտերի» ներկայիս ֆուտբոլիստների տաղանդը «Ինտերի» տրանսֆերային ծրագրերը «Ինտերը» երկարաձգել է պայմանագիրը Կիվուի հետ