«Մխիթարյանը ցուցադրեց իր տարիքը...». Իտալական մամուլի կոշտ քննադատությունը

Corriere dello Sport-ը Չեմպիոնների լիգայի եզրափակիչում Փարիզի ՊՍԺ-ից 0:5 հաշվով կրած պարտությունից հետո գրում է, որ Հենրիխ Մխիթարյանը, Հական Չալհանօղլուն և Նիկոլո Բարելան «կանգնած էին լուսարձակված եղջերուի պես»՝ ՊՍԺ-ի ճնշման դիմաց։ Փարիզյան թիմը լիովին տիրապետում էր խաղադաշտի կենտրոնին։ Ժոաո Նևեշը, Վիտինյան և Ֆաբիան Ռուիսը փայլում էին արագ փոխանցումներով և շարժումով՝ «Ինտերի» կիսապաշտպաններին թողնելով ստվերում։

Թերթը գրում է, որ Մխիթարյանը «ցուցադրեց իր տարիքը» այնպես, ինչպես երբեք չէր արել «Բավարիայի» կամ «Բարսելոնայի» դեմ խաղերում։ Չալհանօղլուն և Բարելան նույնպես չկարողացան ցույց տալ իրենց լավագույն կողմերը՝ անընդհատ ճնշվելով ՊՍԺ-ի արագաշարժ և կազմակերպված խաղացողների կողմից։

Իսկ Gazzetta dello Sport-ը հավելում է, որ այս պարտությունը ցույց տվեց «Ինտերի» անկարողությունը՝ ֆիզիկապես դիմակայելու ավելի երիտասարդ և ագրեսիվ մրցակցին։ «Ինտերի» մեկնարկային կազմի միջին տարիքը մոտ 30 էր, մինչդեռ ՊՍԺ-ինը՝ շուրջ 25։ Այս տարիքային տարբերությունը դաշտում անմիջապես նկատելի էր։ Թերթը ենթադրում է, որ սա կարող է լինել վերջի սկիզբը Մխիթարյանի և մի շարք վետերանների համար, որոնք տարիներ շարունակ կարևոր դեր են խաղացել թիմում։ «Ինտերի» համար եկել է երիտասարդանալու, թարմանալու և ֆիզիկապես ուժեղ թիմերի դեմ մրցունակ դառնալու ժամանակը։

Այս թեմայով Ինչ ծրագրեր ունի «Ինտերը» Մխիթարյանի վերաբերյալ Ինձագին հեռանում է «Ինտերից» Դա իմ «Ինտերը» չէր. Ինձագին` ՉԼ եզրափակիչում պարտվելու մասին Հենրիխն ամբողջ աշխարհում բարձր է պահում Հայաստանի դրոշը. Ջորկաեֆ Մխիթարյանը` ՊՍԺ-ի դեմ ՉԼ եզրափակիչի մասին