«Ժողովուրդ». Տիգրան Ավինյանի ղեկավարած կառույցից կաշառքի գործով ձերբակալություններ են լինում

«Ժողովուրդ» օրաթերթը գրում է. «Երևանի քաղաքապետ Տիգրան Ավինյանի ղեկավարած կառույցում կոռուպցիոն աղմուկը չի դադարում։ ArmLur.am-ի տեղեկություններով՝ ՀՀ Հակակոռուպցիոն կոմիտեի կողմից բացահայտված քրեական գործի շրջանակում արդեն հինգ անձ է ձերբակալվել։ Նրանց թվում է նաև հայտնի «Հավաննա» և Park Bridge ռեստորանների սեփականատերը՝ 25 միլիոն դրամ կաշառք տալու կասկածանքով։

Քաղաքապետը պարտավոր է հստակ և հրապարակային պատասխան տալ․ ինչպե՞ս է ստացվում, որ իր ղեկավարած կառույցը պարբերաբար հայտնվում է կոռուպցիոն բացահայտումների էպիկենտրոնում։ Հանուն Երևանի վստահության՝ լռությունը անթույլատրելի վարքագիծ է:

«Երևանի քաղաքապետարանը համագործակցում է իրավապահ համակարգի մեր գործընկերների հետ։ Ինչ վերաբերում է բուն հարցին, ապա, այո, քաղաքապետը տեղյակ է, որ Հակակոռուպցիոն կոմիտեի կողմից գործողություններ են եղել Երևանի քաղաքապետարանի երկրորդ մասնաշենքում», – հայտարարեց խոսնակը»։

Առավել մանրամասն թերթի այսօրվա համարում

Այս թեմայով «Ժողովուրդ». Հերթական մահացած զինծառայողի գործով քննվում են մի քանի վարկածներ Չէ՞, հա, իրո՞ք. Գեւորգ Սուջյանի պատասխանը Ալիեւին «Ժողովուրդ». Էկոնոմիկայի նախարարությունում կոռուպցիոն չարաշահումների գործով դատաքննությունը «սառույցին է գրվում» Բաբուխանյանը բարձրացրեց Արցախի օկուպացված քաղաքների հարցը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը