«Ժողովուրդ». «Շիշ բռնող»-ը ՔՊ-ում քննություն կհանձնի. նիստ է սպասվում

«Ժողովուրդ» օրաթերթը գրում է. ««Ժողովուրդ» օրաթերթի լավատեղյակ աղբյուրները փոխանցում են, որ ԱԺ ՔՊ խմբակցության պատգամավոր, մամուլում «շիշ բռնող» մականունով հայտնի Հայկ Սարգսյանի՝ ժամկետային զինծառայությունից փողով ազատվելու նախագիծը թեժ քննարկվել է նաև երեկ՝ ՔՊ վարչության նիստի ժամանակ:

«Ժողովուրդ» օրաթերթի աղբյուրները փոխանցում են, որ ՀՀ պաշտպանության նախարար Սուրեն Պապիկյանը ներկայացրել է նախագծում առկա խնդիրները, բացատրել, որ «կողմ» և «դեմ» տեսակետները խաչվում են իրար, բայց ռիսկային է նախագիծը:

«Ժողովուրդ» օրաթերթի աղբյուրները նշում են, որ մայիսի 29-ին նախարար Պապիկյանն ԱԺ է գնալու՝ ՔՊ խմբակցության փակ նիստին մասնակցելու, որտեղ պետք է Հայկ Սարգսյանի մասնակցությամբ կայանա քննարկումը:

Հիշեցնենք, որ նախագծի համաձայն՝ քաղաքացիներին հնարավորություն կտրվի վճարել որոշակի գումար՝ ժամկետային զինծառայությունից ազատվելու կամ դրա փոխարեն այլընտրանքային ծառայության անցնելու համար։ Նախագծի մանրամասները պաշտոնապես դեռևս չեն հրապարակվել, սակայն, ըստ շրջանառվող տեղեկությունների, քննարկվում է վճարի չափը և դրա կիրառման պայմանները։

Առավել մանրամասն թերթի այսօրվա համարում

Այս թեմայով Կառավարության նիստը. Ուղիղ Ե՞րբ է սպասվում արևի ամբողջական հաջորդ խավարումը Ինչ-որ լուրջ բա՞ն է սպասվում Սպասվում են կարճատև անձրև և ամպրոպ. օդի ջերմաստիճանը կնվազի 2-4 աստիճանով «Իրավունք». Ո՞վ է Հայկին «դուխաթափ» արել