Ովքեր են Ծաղկաձորում կվադրոցիկլի վարորդները եւ ինչպես են գործում

Մայիսի 24-ին ժամը 11։30-ի սահմաններում Ծաղկաձորի Վ. Հարությունյան փողոցում տեղի էր ունեցել քառանիվի ինքնավթար, որի հետևանքվ չորս ուղևորները տեղափոխվել էին «Հրազդան» բժշկական կենտրոն։

Ցավոք, բժշկական կենտրոն տեղափոխված չորս անձից երկուսը՝ 2009 թվականին ծնված աղջիկները, մահացել են։ Մահացած աղջիկները սովորում էին Երևանի թիվ 29 դպրոցում։

Մյուս երկու քաղաքացիներից մեկը «Հրազդան» ԲԿ-ում բուժօգնություն ստանալուց հետո դուրս է գրվել, իսկ մյուսը հենց այդ օրը տեղափոխվել է Երևանի ԲԿ-ներից մեկը։

ՀՀ առողջապահության նախարարությունից հայտնեցին, որ Երևանի ԲԿ տեղափոխված աղջիկը վիրահատվել է, մինչ այս պահը նա հիվանդանոցում է։

Աղջնակը «Ատվածամայր ԲԿ»-ում է, բժիշկների հսկողության տակ:

Չորս ուղևորներն էլ աղջիկներ են եղել, նրանցից մեկը նստել է վարորդի կողքը, երեքն էլ քառանիվի հետևի մասում։

Քննչական կոմիտեից հայտնել էին, որ դեպքի առթիվ նախաձեռնվել է քրեական վարույթ՝ Քրեական օրենսգրքի 342-րդ հոդվածի 4-րդ մասի հատկանիշներով: 1 անձ ձերբակալվել է: Մեր տեղեկություններով՝ վարորդը սթափ է եղել, սակայն համապատասխան տրանսպորտային միջոց վարելու իրավունք չի ունեցել։

Վարորդը կալանավորվել է։

«Իրավունքը»  Ծաղկաձորի համայնքապետ Հարությունյանից փորձել է հետաքրքրվել, թե ովքեր են վերահսկում քառանիվների գործունեությունը։ Համայնքապետը պատասխանեց. 
-Ոչ մեկ, ինչպես օրինակ հարցնեք ճանապարհին կանգնած տաքսիները, ովքեր են վերահսկում։ Գալիս կանգնում են, տուրիստներին առաջարկում, կոնկրետ ընկերություն չէ, անհատներ են իրենց քառանիվներով։ Այլ տեղեկության չեմ տիրապետում։

Այս թեմայով Ծաղկաձորի ճոպանուղում լույսերն անջատվել են. քաղաքացիները մնացել են օդում Ծաղկաձորում անչափահաս աղջիկների մահվան պատճառ դարձած վթարի գործով քառանիվի վարորդը կալանավորվել է Կվադրոցիկլի վթարի հետեւանքով մահացած 16–ամյա աղջիկները դասարանի հետ էքսկուրսիա էին գնացել՝ դասղեկի հետ Ով է Ծաղկաձորում կվադրոցիկլի վթшրի հետևшնքով մшհացшծ 16-ամյա աղջիկը՝ Ալեքսանդրան. մանրшմասներ «Ժողովուրդ». 75 մլն արժողությամբ բնակարան՝ Ծաղկաձորում. Արսեն Թորոսյանը գնել է 2-րդ բնակարանը