«Փաստ». Փաշինյանի տեսլականը՝ չզինվել և չդիմադրել Ադրբեջանի ագրեսիային

«Փաստ» օրաթերթը գրում է. «Երեկ «Երևանյան երկխոսություն» երկրորդ միջազգային ֆորումի ժամանակ Նիկոլ Փաշինյանը հայտարարել է. «Մենք ուզում ենք հավաստիանալ, որ Ադրբեջանի մտադրությունը չէ իր տարածքում հակամարտային իրավիճակը փակել և արտահանել Հայաստանի տարածք»։ Միայն այս նախադասությունը մի քանի շերտեր ունի, ընդ որում՝ բավական վտանգավոր: Նախ՝ «իր տարածքում հակամարտային իրավիճակ» արտահայտությունն ինքնին բավական «բազմախոսուն» է: Մյուս կողմից՝ փաստացի Նիկոլ Փաշինյանն էլ է խոստովանում Ադրբեջանի կողմից ագրեսիայի հնարավորությունը:

Անդրադառնալով այս թեմային՝ «Հանրապետության հրապարակ» տելեգրամյան ալիքը գրում է, որ Ադրբեջանը պատրաստվում է լայնածավալ պատերազմի ՀՀ-ի դեմ՝ այսպես կոչված՝ «Զանգեզուրի միջանցքը» ստանալու և անկլավները հսկողության տակ վերցնելու համար։ Ադրբեջանը պահանջում է Երևանից՝ բնակեցնել ադրբեջանցիներին Հայաստանում. Ալիևը շեշտում է, որ դա լինելու է խաղաղության պայմանագրի կնքման նախապայմաններից մեկը։ Բաքուն պահանջում է ՀՀ-ից՝ չզինվել, փոխել ՀՀ Սահմանադրությունն ու անգամ զինանշանը, որտեղ պատկերված է Արարատ լեռը։

Նշվում է, որ Ադրբեջանը, «հենվելով ՔՊ-ի վրա», հայաթափեց և օկուպացրեց Արցախն ու այսօր ցանկանում է նույնն իրականացնել արդեն Սյունիքում. «Որպեսզի Ադրբեջանը հակամարտությունը չտեղափոխի Հայաստանի տարածք, պետք է ՀՀ-ն ունենա հզոր բանակ, զարգացող տնտեսություն, դեմոգրաֆիկ աճ, ինչպես նաև հայ-ռուսական և հայ-իրանական ռազմաքաղաքական կապերն ամրապնդվեն։ Դրա նախապայմաններից մեկը ՀՀ-ում օր առաջ իշխանափոխությունն է. այս թիմը չունի քաղաքական կամք և գիտելիքներ՝ դիմադրելու Ադրբեջանին և պաշտպանելու հայկական ազգային ու պետական շահերը»,-գրում է ալիքն ու հավելում, որ Ադրբեջանի նպատակը հայոց պետականության ոչնչացումն է, իսկ ՔՊ-ի նպատակը՝ հարստանալն ու ամեն գնով 2026 թվականին իշխանությունը պահպանելը»։

Առավել մանրամասն թերթի այսօրվա համարում

Այս թեմայով Էրդողանն ու Ալիևը հայտարարել են Թուրքիայի և Ադրբեջանի «անսասան դաշինքի» մասին «Հրապարակ»․ Հենց Փաշինյանի հայրենի Իջեւանում փակվել են բազմաթիվ գործարաններ և ընկերություններ ՀԱՊԿ-ը հուսով է, որ Հայաստանի և Ադրբեջանի միջև շուտով խաղաղության համաձայնագիր կկնքվի «Փաստ». Ինչպես է ընդդիմությունն արձագանքում է «հանրային ճնշում» գեներացնելու վերաբերյալ Փաշինյանի սպառնալիքին Ադրբեջանի վարչապետը Վրաստանում է․ նախատեսված է միջկառավարական հանձնաժողովի նիստ