Այս տարի Անապայում խաչքարի տոնը նշանավորվեց «Ցանկապատ» ներկայացումով

Վանաձորի «Բոհեմ» կամերային թատրոնը մայիսի 22-ից 25-ը հյուրախաղերով Անապա քաղաքում էր։ Անապա քաղաքի հայ համայնքի հրավերով, գլխավորությամբ նախագահ՝ Ռուսլան Կագրամանյանի, համայնքի մշակույթի եւ կրթության ղեկավար, Տիգրան Ավդալյանի անվան «Մուշ» արվեստի կենտրոնի տնօրեն՝ Կարինե Փիլոյանի, ներկայացվեց Ստեփան Զորյանի համանուն պատմվածքի հիման վրա բեմադրված «Ցանկապատ» ներկայացումը (բեմադրությունը՝ Հերիքնազ Բաղդասարյանի)։

Ներկայացումից առաջ բացման խոսքով հանդես եկավ «Մուշ» արվեստի կենտրոնի տնօրեն Կարինե Փիլոյանը, ով ներկայացրեց «Բոհեմ» թատրոնը ռուսաստանաբնակ հայ հանդիսատեսին։ Տերունական աղոթք հնչեցրեց Հայկաձորի Սուրբ Գևորգ եկեղեցու քահանա Տեր Թադևոսը։

Ներկայացումը արժանացավ բարձր ընդունելության և բուռն ծափողջույնների։ Հանդիսատեսը տպավորված էր դերասանների օրգանիկ խաղով, նյութի արդիականությամբ, և մեծ շնորհակալություն հայտնեց Վանաձորին՝ Անապայում հյուրընկալվելու համար։ Հանդիսատես էր ժամանել ոչ միայն Անապայից, այլև երկրի տարբեր քաղաքներից։

«Բոհեմ» կամերային թատրոնի տնօրեն Հերիքնազ Բաղդասարյանը Վանաձորի համայնքապետի պաշտոնակատար Արկադի Փելեշյանի անունից, և թատրոնի անունից փոխանցեց շնորհակալագրեր Անապայի հայ համայնքին։

Հիշեցնենք, որ 1992 թվականին Հայաստանից Անապա է տարվել առաջին խաչքարը, որից հետո Անապայում կառուցվել է Սուրբ Գևորգ եկեղեցին։ Ամեն տարի, մայիս ամսին Անապայում մեծ շուքով է նշվում խաչքարի տոնը, որը վաղուց քաղաքային տոների շարքում է։ «Բոհեմ» կամերային թատրոնը հենց այս տոնի շրջանակներում է հրավիրվել Անապա։

Այս թեմայով Ռուսական դրամատիկական թատրոնը բացեց 89-րդ թատերաշրջանը «Սովորական պատմություն» ներկայացմամբ Արարատն ու Վեդին, Վանաձորն ու Փամբակը միավորվեցին. ԱԺ-ն ընդունեց օրինագիծը Այսօր Ալեքսանդր Սամսոնիչը կդառնար 90 տարեկան Ներքին ագրեսիայով չի կարելի հասնել խաղաղության․ կայացավ «Մնա» ներկայացման առաջնախաղը «ՆեԵսենին»-ը գտավ իր տունը․ Բաբկեն Զաքարյան