Զբոսաշրջիկների թիվը 11.3%-ով նվազել է

2025 թվականի առաջին եռամսյակում Հայաստան է այցելել 386 741 զբոսաշրջիկ, ինչը նախորդ տարվա նույն ժամանակաշրջանի համեմատ 11.3%-ով պակաս է։ Այս մասին տեղեկանում ենք Վիճակագրական կոմիտեից:

Հայաստան ժամանող զբոսաշրջիկների կազմում ամենամեծ տեսակարար կշիռը ռուսաստանցիներինն է։ Այս տարվա հունվար-մարտին Ռուսաստանի 144 072 քաղաքացի է եկել Հայաստան որպես զբոսաշրջիկ։ Նախորդ տարվա նույն ամիսների համեմատ այս թիվը կրճատվել է 21.8%-ով։ 

Ռուսաստանցի զբոսաշրջիկների թվի կրճատումը էական ազդեցություն է ունեցել Հայաստան այցելած զբոսաշրջիկների ընդհանուր թվի կրճատման վրա։ ՌԴ քաղաքացի զբոսաշրջիկների տեսակարար կշիռը Հայաստան այցելած զբոսաշրջիկների ընդհանուր թվում 37.3% է։ 

Հայաստան ժամանած զբոսաշրջիկների կազմում երկրորդ տեղում Հայաստանի քաղաքացիներն են, որոնք ապրում են արտերկրում, բայց ունեն Հայաստանի քաղաքացիություն։ 2025 թվականի առաջին եռամսյակում նրանց թիվը կազմել է 76 861՝ նախորդ տարվա նույն եռամսյակի համեմատ աճելով 1.8%-ով։ 

Երրորդ տեղում Վրաստանի քաղաքացիներն են։ Ժամանել է 59 624 վրաստանցի։ Անկումը՝ 3.6%:

Հաջորդում են Իրանի քաղաքացիները՝ 34 369 թվով, որն աճել է 1.9%-ով։ 

Հինգերերդ տեղում Ֆիլիպինների քաղաքացիներն են։ 2025-ի առաջին եռամսյակում զբոսաշրջային նպատակով Ֆիլիպինների 7 140 քաղաքացի է այցելել Հայաստան, որը նախորդ տարվա նույն եռամսյակի համեմատ 24.2%-ով կրճատվել է։ 

Այս թեմայով Ավելի քան 20 զբոսաշրջիկ անհետ կորած է համարվում ԱՄՆ Գրանդ Կանյոն ազգային պարկում ուժեղ ջրհեղեղի հետևանքով (Տեսանյութ) Քանի զբոսաշրջիկ է հունիսին այցելել Հայաստան. Զբոսաշրջության կոմիտեն տվյալներ է հրապարակել 2026 թվականի հունվար-մայիսին Վրաստանի զբոսաշրջությունից ստացված եկամուտները նվազել են 2.1%-ով Այս տարի փետրվարին Հայաստան շուրջ 4000-ով ավելի զբոսաշրջիկ է այցելել, քան նախորդ տարի 2025 թվականի դեկտեմբերին Հայաստան է այցելել 139933 զբոսաշրջիկ