«ՈՒՐԱԽ ԵՄ ՈՒ ՀՊԱՐՏ ՆՄԱՆ ՀԱՋՈՂՈՒԹՅԱՆ ՀԱՄԱՐ»․ ԵՐԻՏԱՍԱՐԴՆԵՐԻ ԱՇԽԱՐՀԻ, ԵՎՐՈՊԱՅԻ ՉԵՄՊԻՈՆ, ԱՇԽԱՐՀԻ ԳԱՎԱԹԻ ԲԱՑԱՐՁԱԿ ՀԱՂԹՈՂ ՀԱՄԼԵՏ ՄԱՆՈՒԿՅԱՆ

Iravunk. com -ի մարզական թղթակիցը զրուցել է անվանի սպորտային մարմնամարզիկ, Երիտասարդների Աշխարհի ու Եվրոպայի չեմպիոն, միջազգային կարգի սպորտի վարպետ, Աշխարհի գավաթի նժույգ թափեր վարժության ոսկե մեդալակիր, բացարձակ հաղթող ՀԱՄԼԵՏ ՄԱՆՈՒԿՅԱՆԻ հետ։ Նա այսպես մեկնաբանեց իր հաղթանակը.

- Շատ ուրախ եմ ու հպարտ նման հաջողության համար։ Դժվար պայքար էր, սակայն կարողացա վարժությունը լավ կատարել։ Հիմա պետք է ավելի շատ աշխատեմ, ուղղեմ սխալներս, որ հաջորդ մրցաշարերում էլ հաջող հանդես գամ։ Իմ մյուս նպատակը Եվրոպայի առաջնությունում լավ հանդես գալն է, վարժությունը անթերի կատարելը։

Իսկ ահա Սպորտային մարմնամարզության հավաքականի գլխավոր մարզիչ ՀԱԿՈԲ ՍԵՐՈԲՅԱՆՆ էլ այսպես ամփոփեց.

- Առաջին անգամն էր, որ Աշխարհի գավաթը բաղկացած էր 6 փուլերից, մենք մասնակցեցինք հինգին։ Շատ լավ ստացվեց, քան մտածում էինք։ Մեր սպասելիքներն լիովին արդարացան, դեռ մի բան էլ ավելին։ Ես սպասում էի, որ բացարձակ գավաթը կնվաճի Արթուր Դավթյանը, բայց Համլետ Մանուկյանն անսպասելիորեն հաղթեց և շատ ուրախացրեց մեզ։ Վերջին փուլում 6 գործիքներից 3 ոսկին մենք ենք նվաճել, մեր երկրի համար սա շատ մեծ արդյունք էր։ Դժվար էր, հոգնել էինք, բայց պետք է վերականգնվենք ու պատրաստվենք Եվրոպայի առաջնությանը, որը մայիսի վերջին է։ Նշեմ, որ նման խիտ գրաֆիկը երիտասարդ մարմնամարզիկների համար փորձ ձեռք բերելու լավ հնարավորություն է, իսկ ավագները մյուս տարվանից ոչ բոլոր փուլերին կմասնակցեն, մեր երիտասարդները բազմամարտիկներ են, Հայաստանում չունենք գործիքներ, որ նրանք կարողանան փորձարկել։ Հիմա լավ փորձ ենք ձեռք բերել ու ԵԱ֊ի ժամանակ ավելի վստահ կլինենք։ Ինձ համար էլ էր անսպասելի, որ 3 փուլ անընդմեջ Համլետ Մանուկյանը կդառնա ոսկե մեդալակիր ու վերջում կդառնա Աշխարհի գավաթակիր, ստացվում է, որ իմ ծրագրածից ավելի լավ ստացվեցին մեր արդյունքները, ինչի համար շատ գոհ եմ։ Շատ ուրախ եմ նաև Արթուր Դավթյանի և Արթուր Ավետիսյանի հաղթանակների համար։ Մեր բոլոր մեդալակիրները ձեռք բերեցին իրավունք մասնակցելու Աշխարհի առաջնությանը։ Երեք անգամ Աշխարհի գավաթի խաղարկության եզրափակիչ դուրս գալն արդեն իսկ իրավունք է տալիս մասնակցելու ԱԱ֊ին։ Համլետ Մանուկյանը ոչ միայն իրավունք ստացավ մասնակցել մեծահասակների ԱԱ֊ին, այլ նաև մեծ հրավեր ունի։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Եվրոպայի առաջնությունում այսօր ռինգ դուրս կգա Հայաստանի երեք ներկայացուցիչ Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։