Պետությունը երաշխավորում է արտահիվանդանոցային անվճար մանկաբարձագինեկոլոգիական բուժօգնություն

Առողջապահության նախարարությունից հայտնում են, որ պետությունը երաշխավորում է արտահիվանդանոցային անվճար մանկաբարձագինեկոլոգիական բժշկական օգնությունը, որի շրջանակներում իրականացվում է հղիների նախածծնդյան հսկողություն:

Հղին դիմում է առողջության առաջնային պահպանման օղակ` ըստ իր բնակության վայրի և ստանալով առողջության մասին քաղվածքը` դիմում է կանանց մոտակա կոնսուլտացիա ու հաշվառվում է:

Միաժամանակ, կինն իր բնակավայրի վարչական տարածքի շրջանակներում իրավունք ունի ընտրելու իրեն սպասարկող բժշկին` մանկաբարձ-գինեկոլոգին, և ընտրված բժշկական կազմակերպությունում ստանալու բժշկական օգնություն և սպասարկում` նախածննդյան և հետծննդյան հսկողության մասով:

Հղիների նախածննդյան հսկողությունն իրականացնում են մանկաբարձ-գինեկոլոգը և մանկաբարձուհին (գյուղական բնակության վայրերում, նաև` ընտանեկան բժիշկը, մանկաբարձուհին կամ վերապատրաստված բուժքույրը):

2024 թ. դեկտեմբերի 1-ից հղիների նախածննդյան հսկողության պարտադիր հետազոտությունների ծավալը ընդլայնվել է` պետական պատվերի շրջանակներում ներառելով`

գլյուկոզի տոլերանտության պերoրալ թեստ.

թիրեոտրոպ հորմոնի որոշում.

Բ խմբի ստրեպտոկոկի որոշում:

Առողջապահության նախարարությունից հիշեցնում են.

Հայաստանում հիվանդանոցային պայմաններում մանկաբարձական բժշկական օգնությունը, այդ թվում` ծննդօգնությունը ևս իրականացվում են անվճար՝ անկախ ծննդալուծման եղանակից (բացառություն են կազմում ծննդօգնության շրջանակներում հղիի կողմից ընտրված բժշկի բժշկական ծառայությունները և վճարովի՝ ոչ բժշկական ծառայությունները):

Այս թեմայով Արտամարմնային բեղմնավորումը կնոջ համար կարո՞ղ է ռիսկ լինել.Վաղը՝ «ԲԺՇԿԻ ՄՈՏ» Արտամարմնային բեղմնավորման հիմքում սերն ու սաղմնաբանն են. Հայտնի սաղմնաբանը տալիս է ԷԿՈ-ով ծնող դառնալու միակ բանաձեւը Քաղցր ըմպելքիները նվազեցնում են հաջող արտամարմնային բեղմնավորման շանսերը Արհեստական բեղմնավորում՝ պետության հաշվին. ինչպես և ում դիմել